008

Назарбаевқа Ашық хат

Қазақстан Республикасының Президенті

 Н.Ә. Назарбаевқа

Көшірмесі: ҚР Премьер-Министрі

  К.Қ. Мәсімовке

ҚР Сенатының спикері

Қ.К. Тоқаевқа

ҚР Парламенті Мәжілісінің спикері

Б.С. Ізмұхамедовке

Барлық деңгейдегі әкімдерге, Министрлерге,

Сенат және мәслихат депутаттарына,

БАҚ, Қазақстан азаматтарына!

 

Құрметті  Нұрсұлтан Әбішұлы!

 

Өзіңізге мәлім, «Нұр Отан», «Ақ жол», «Азат», ЖСДП партиялары, «Самұрық-Қазына» ҰӘҚ» АҚ, «Қазэнержи» қауымдастығы, «Атамекен» ҰҚП, Қазақстан Халықтары Ассамблеясы, ҚР Ұлттық Ғылым академиясы, Жазушылар одағы, Халықаралық Адам институты (Институт), «Алаш» ҒЗО, қаржыгерлер, тәуелсіз кісіпкерлер, ректорлар қауымдастығы т.б. қоғамдық ұйымдар құрған Ұйымдастыру алқасы Мемлекеттік емес ұйым ретінде елімізде адам капиталы мен мәдениетті дамыту, жаңаиндустриалды қоғамға өту бағдарламаларын іске асыруда.

Жерді шетелге сату және жалға беру туралы 2015 жылы қарашада қабылданған заң мен білім саласындағы ұлттық мемлекеттің ұстанымдарына кереғар ҚР БжҒМ кезекті реформасы, елде өткен жылы басталған экономикалық дағдарысты саяси-әлеуметтік дағдарысқа ұластыруда.

Францияның мәдениет министрлігімен Париж жанында Аттилаға музей және ескерткіш ашу (2012), БҰҰ-да «Қазақстан-Мәңгі Ел» (Нью-Йорк, 2014), ЮНЕСКО-да «Қазақ хандығының 550-жылдығына» халықаралық конференция (Париж, 2015) сияқты елдің имидждік жобалары мен құрамында 87 Нобель лауреаттары істейтін Әлемдік инновациялық Қор және әлемдегі ТОП-50 технологиялық компаниялармен бірге инновациялық экономиканы қалыптастыру жобасын іске асыру барысында түсінгеніміз, елдегі барлық дағдарыстардың себебі өзімізден. Біз оны Президент жолдаулары орындалуының 25%-дан аспауы, инновацияның экономикадағы үлесі 1%-ға жетпегендіктен (Швейцарияда 62%) экономиканың диверсификацияланбауы, ШжОБ үлесінің 20%-ға жетпеуі (дамыған елдерде 50%-дан астам), көлеңкелі экономика үлесінің 40%-ға жетуі, ауылдағылардың еңбек өнімділігінің Батыс елдерінен 14-16 есе төмен болуы т.б. көреміз.  

10.04.2016ж. № 1/627 қоғамдық ұйымдар мен зиялылармен бірігіп жазған хатта жерді сату және жалға беру мәселесі қаралған еді. Осы мәселе бойынша өз ұстанымдарын анықтамаған «Ауыл» және «Бірлік» сияқты өлара партияларды халық қолдамағандықтан тарату керек. Себебі, жерді сату – ол Отанды сатумен бірдей қылмыс. Біз оны б.д. III-IVғғ. түрік тайпаларын билеген тоба тайпасының Қытайға жерін сатып бодан болғанынан көреміз. Сол тобалықтардың басшылығымен бодандық қабылдаған түріктер жүз жылда тілі, діні, ділінен айырылып қытайға айналса, империяға құл болған тобалықтардың төрт ұрпағын бір ғасырдан кейін елдің түкпір-түкпірінен бір жерге жинайды да қылышпен турап шауып, денелерін Хуанхэге ағызып жібереді. Бүгінде түрік халықтарының ішінде тоба тайпасы ізімен жоқ және олардың моласын да таппайсың. Адамзат тарихында сатқандық кешірілмейтін қылмыс болса, елі мен жерін сатқандарды тұқымымен жоқ қылып, тазартып отырған. Тек Адам ғана емес, жабайы аңдар да сатқындықты кешірмейді!

Айдаһардың асқазанында жатқан бүгінгі Шығыс Түркістан да осыдан үш ғасыр бұрын ұйғыр ағайынның ішінен шыққан сатқындар қытайға жалға жер беріп, олардан көше сыпыратын т.б. арзан қол жұмысшыларды (олардың бәрі әскерилер еді) кіргізді. Ондаған жылдан кейін келімсектердің саны белгілі мөлшерге жеткесін Шығыс Түркістанды бір күнде жаулап алды. Бүгін сондағы елу миллиондай ұйғыр, қазақ, өзбек т.б. түрік халықтары қасиетті Түркістанды өз атымен атауға қорқатын құлға айналуда. Біздің «асыл арманымыз» осы ма?!

Жоғарыдағы көрсетілген экономикалық дағдарыс, жер және білім салаларының мәселелерін қоғам алдында ашық талқылап, саяси-әлеуметтік дағдарыстың алдын-алып, экономикадағы дағдарыстан шығу жолдарын анықтау үшін, Парламент және Үкіметпен бірге ортақ шешім қабылдау мақсатында құрылатын үш Комиссияға қоғамдық ұйымдар атынан әр салаға 15 маманнан ұсынамыз (тізім негізінен қол қойғандар ішінен алынады). Бұл Комиссия алғашқы отырыстарын 04.05.2016 күні экономика, ауыл шаруашылығы және ҚР БжҒМ ғимараттарында бастап, маусымның ортасында қабылдаған ортақ шешімдерін барлық БАҚ-да жариялау керек.

Ол ортақ шешімде жерді шағын және орта бизнес өкілдері мен шаруа қожалықтарына сату не жалға беру, шетелге не шетелдік үлесі бар компанияларға жалға беру, не сатуға тиым салу туралы соңғы заңға тиісті өзгеріс енгізілуі қажет. Сонымен қатар, педагогика заңдарына сүйенген Мәңгі Елдің – «Бір тіл, бір дін, бір мораль, бір мемлекет» ұстанымдарына негізделген тәрбие, білім және ғылымды дамыту тұжырымдамасы мен «Қазақстанның жаңа индустриальдық стратегиясы» қабылданады деп күтілуде.

Осы Комиссиялардың шешімдері бойынша қоғамдағы әлеуметтік-саяси және экономикалық дағдарыстардың себептері анықталып, Президент пен қоғам алдында Үкімет пен жеке министрлерге сенім, Қазақстан заңдарын бұзған шетелдік компанияларға халықаралық санкция қою т.б. шешімдер қабылданады. Осы мәселелер бойынша ұсыныстар төмендегі адреске қабылданады.

 Құрметпен, Ұйымдастыру алқасы атынан:

ӘКІМ Жанұзақ – Халықаралық Адам институтының президенті, ҚР Ұлттық Жаратылыстану ғылымдары Академиясының корр.-мүшесі, Еуропа жаратылыстану ғылымдары Академиясының мүшесі;

СӘБДЕН Оразалы – Қазақстан ғалымдар одағының Төрағасы, ҚР мемлекеттік сыйлығының иегері, экономика ғылымдарының докторы, ҚР Ұлттық Инженерлік Академиясының академигі;

ӘУЕЗОВ Мұрат –  М.О.Әуезов атындағы қордың Төрағасы, Қазақстан Республикасының Төтенше және өкілетті елшісі, ғалым;

ЕЛЕУСІЗОВ Мэлс – Қазақстанның экологиялық Одағы мен кәсіпорындары «Табиғат» қауымдастығының Президенті;

ТҰЯҚБАЙ Жармахан – ЖСДП Төрағасы, мемлекет және қоғам қайраткері;

ҒАБЖӘЛЕЛОВ Хайрулла — «Алаш» тарихи-зерттеу Орталығының президенті, Әлеуметтік ғылымдары Академиясының академигі, КОНКОРД Академиясының (Франция) құрметті академигі, ҚР мәдениет қайраткері, ҚР алғашқы валютасы-теңгенің авторы;

ТОҚАШБАЕВ Марат — «Президент және халық» газетінің Бас редакторы, ҚР ПҒА академигі, профессор;

ИСА Қазыбек  —  «Қазақ үні» газеті президенті, ақын, Халықаралық Алаш сыйлығы лауреаты, Халықаралық Сергей Есенин атындағы сыйлық — «Алтын күз» ордені иегері.

НҰРЫПБАЕВ Мақсат — «Антигептил» қозғалысының ұйымдастырушысы;

ЖҰМАЛЫ Расул – саясаттанушы, дипломат;

ЖӘКЕЕВ Ғабиден – Ғ.М.Мүсірепов атындағы қордың Төрағасы;

АБАҒАН Мұқтархан – Кенесары Хан қоғамдық қорының Төрағасы;

 

Қазақстан зиялылары мен қоғамдық ұйымдары атынан:                                                                                                           

Ауған соғысы ардагерлер Қауымдастығы;

Қазақстанның генералдар Қауымдастығы;

Қазақстан суретшілер Одағы;

Қазақстан композиторлар Одағы т.б., 12 республикалық Қауымдастықтар мен Одақтар қолдады;

 

НҰРПЕЙСОВ Әбдіжәміл – жазушы,  ҚСРО Мемлекеттік сыйлығының лауреаты;

ҚИРАБАЕВ Серік – филология ғылымдарының докторы, профессор, ҚР ҰҒА академигі;

ҚАЙДАРОВ Әбуғали — филология ғылымдарының докторы, профессор, ҚР ҰҒА академигі;

АЙТБАЕВ Өмірзақ — филология ғылымдарының докторы, профессор, ҚР ҰҒА академигі, Халықаралық «Қазақ тілі» қоғамының Төрағасы;

ҚАЛМАТАЕВ Мұрат – генерал-майор, мемлекет және қоғам қайраткері;

МЫРЗАХМЕТОВ Мекемтас – ҚР ҰҒА академигі, ҚР Мемлекеттік сыйлығының лауреаты;

ӨТЕЛБАЕВ Мұхтарбай — физика-математика ғылымдарының докторы,  профессор, ҚҰА академигі, ҚР Мемлекеттік сыйлығының лауреаты;

ЕЛЕМЕСОВ Көпмағамбет – ауыл шаруашылығы ғылымдарының докторы, профессор, академик;

ЕЛЕШЕВ Рахымжан – ауыл шаруашылық ғылымдарының докторы, профессор, академик;

ҒАББАСОВ Совет-Хан — медицина және педагогика ғылымдарының докторы, ҚР еңбек сіңірген қайраткері, Махамбет сыйлығының лауреаты, Халықаралық  М.Нострадамус атындағы Академияның академигі;

ҚАБЫШҰЛЫ Ғаббас — жазушы, Халықаралық «Алаш» әдеби сыйлығының лауреаты, Қазақстанның құрметті журналисі; 

РАҚЫШЕВ Баян – ҚР ғалымдар Одағының вице-президенті, ҚР ҰҒАакадемигі, ҚазҰТУ кафедра меңгерушісі;

ЖҰМАДІЛОВ Қабдеш – Қазақстан халық жазушысы, ҚР Мемлекеттік сыйлығының лауреаты;

ИСАБЕКОВ Дулат — «Мәдениет» журналының бас редакторы, жазушы-драматург, ҚР Мемлекеттік сыйлығының лауреаты;

СМАТАЕВ Софы — жазушы, Халықаралық «Алаш» әдеби сыйлығының  лауреаты;

МЕДЕТБЕК Темірхан – ақын, ҚҰ Мемлекеттік сыйлығының лауреаты;

ЕСДАУЛЕТ Ұлықбек – ақын, ҚР Мемлекеттік сыйлығының лауреаты, «Жұлдыз» жорналының Бас редакторы;

ЕЛУБАЙ Смағұл — жазушы, ПЕН-клубының вице-президенті;

АРАЛБАЙ Нұғман – биол. ғылымдарының докторы, профессор, «Жаратылыстану ғылымдары және иновациялық технологиялар» ҒЗИ директоры;

КАПЕКОВА Гулнар – Қазақстан ғалымдар Одағының Алматы облысы бойынша филиалының директоры, тарих ғылымдарының докторы, профессор;

НЕСИПБАЕВА Калия – тарих ғылымдарының докторы, профессор;

БУРБАЕВА Галия – ғалым, қоғам қайраткері;

БАТТАЛОВА Зәуреш – «Қазақстанда парламентаризмді дамыту қоры» Қоғамдық қорының президенті;

ҚҰЛКЕНОВ Мереке – жазушы, қоғам қайраткері;

ҚОЙШЫБАЕВ Бейбіт— тарих ғылымының кандидаты, «Әділет» тарихи- ағарту қоғамының президенті;

СӘРСЕНБАЙ Рысбек  — «Жас Алаш» газетінің бас редакторы, қоғам қайраткері;

БАПИ Ермұрат — «ДАТ» жобасының жетекшісі, қоғам қайраткері;

АЙҒАЛИҰЛЫ Е. — «Қазақстан-Заман» газетінің бас редакторы;

ҚАЛЫБАЙ  Жарылқап — «Жұлдыздар отбасы-Аңыз Адам» журналының бас  редакторы;

САРЫМ Айдос —  Алтынбек Сәрсенбайұлы атындағы қордың жетекшісі, Қазақ Ұлттық Кеңесі Төрағасының орынбасары;

ШЫМШЫҚОВ Жанкелді  Астана қалалық «Тәуелсіздікті қорғау» ХДҚ  ұйымдастыру комитетінің төрағасы;

ЖАНДАРБЕК Зікірия — тарих ғылымының кандидаты, Ахмет Яссауи атындағы Халықаралық Түркістан университетінің профессоры;

ЗЕЙНУЛЛИН Аманжол — ауыл шаруашылығы ғылымдарының кандидаты, «Дала» институтының директоры;

ҚАНАТБАЕВ Серік — ветеринария ғылымының докторы;

ТӘЖИЕВ Қадырбай – ауыл шаруашылығы ғылымдарының кандидаты, ғылыми жетекші;

АМАНЖОЛОВ Қыдырбай —ауыл шаруашылығы ғылымының докторы, ғылыми жетекші;

АЙЫПҰЛЫ Рахым – ЖСДП Президиум мүшесі, Қоғам қайраткері;

ҚАЛЫБАЙ Мақсот — Қазақстан Республикасына ерекше еңбегі сіңірген зейнеткер;

САГИДУЛЛАЕВА Айман – ұстаз, қоғам қайраткері;                                     
ҚОЖАБЕРГЕНОВ Өсербай – ауыл шаруашылығы ғылымдарының кандидаты;    

БАБАМҰРАТ Дәурен —  «Болашақ» жастар қозғалысының лидері;

ЕРҒАЛИЕВА Баретта — Қазақстанның «Демократия және құқық» халықаралық тарихи

-құқық орталығының төрайымы;

КЕНЕБАЙ Жұмаш — ақын, қоғам қайраткері, Халықаралық ЮНЕСКО сыйлығының лауреаты;

ҚОСАНОВ Әміржан –қоғам қайраткері, тәуелсіз саясаткер;
АЛИБАЕВ Алик — экономист, БСДП Президиум мүшесі;
КЕНЖЕБАЙ Мырзан
– ақын, ҚР мәдениет қайраткері

ТӨРЕХАНОВ Эрнст —  жазушы, қоғам қайраткері;
МҰҚАНҒАЛИЕВ Ермек – ғалым, қоғам қайраткері;

МАМАЙ  Жанболат — журналист, қоғам қайраткері;

ҚАПТАҒАЙ Қ. —  «Халық дабылы» қозғалысының төрағасы;

ҚУАТ  Дәурен «Абай.kz» ақпараттық порталының жетекшісі;

СӘДУҰЛЫ Б. — «Желтоқсан ақиқаты» қоғамдық бірлестігінің төрағасы;

ӘЗІМБАЙ Ғали — саясаттанушы, тарих ғылымдарының докторы;

БЕЙСЕБАЙ ТЕГІ Руза – қоғам қайраткері;

МҰҚТАЙ Қуаныш – ақын;

ЗАЙТОВ Ринат – айтыс ақыны;

МҰҚАНОВ Дәурен — аудармашы, әдебиеттанушы;

КӨШІМ Дос -«Ұлт тағдыры» қозғалысының төрағасы;

НҰР-АХМЕТ Дос -«Ұлт патриоттары»қозғалысының төрағасы;

ТАЙЖАН Мұқтар —  Болатхан Тайжан атындағы қордың президенті;

БӨТЕЕВ Марат — «Аллажар-қолдау» қоғамдық қорының төрағасы;

ТӘЛІМҰЛЫ К. — Талғар аудандық мемлекеттік тілді оқыту орталығының директоры;

АШУҰЛЫ  Ж. — Қазақстан саяси қуғын-сүргінге ұшырағандар қауымдастығының төрағасы;

МҰХТАРБЕК С. — журналист, қоғам қайраткері;

ҚАНАФИЯ Назарбек — филология ғылымдарының кандидаты;

УАТҚАН Марат — журналист;  

ҚЫСТАУБАЕВ Геройхан — қоғам қайраткері; 

АҚЖІГІТ Өмірзақ— тәуелсіз журналист;

БЕРКІМБАЙ Ардақ – жорналист, зерттеуші;

КӘРІПЖАН Аманғазы — ақын;

ҚҰТТЫ Кеуімілжай — қоғам белсендісі;
МЕРГЕНБАЙ Сағидолла — қоғам белсендісі;

ТОҚАЙ Бірлік – журналист;

АЙТМЫРЗА Құрманғазы – желтоқсаншы;

ЖАНЫСБАЙ Талғат – саясаттанушы;

АҒЫБАЕВ Берік – саясаттанушы;

ЕРМЕКҚАЛИЕВ Айбар – саясаттанушы.

Abai.kz

41 пікір

  1. Райхан

    Алла Елбасы мен ел басқарып отырған азаматтарға намыс пен уят жəне күшті иман берсін деймін! Осы хаттағы талаптардың орындалуын Жалғыз Алладан тілеймін. Менде қосыламын жəне қолдаймын.

  2. Иса

    Белгілі қоғам қайраткерлері және де ел ағаларымыздың тізімдеріне бүкіл алаш қосылады
    Сіздерге деген үлкен рахметпен Қазақстан Республикасының азаматы Исатай Хисагалиевта қосылады

  3. Мадияр Сапарғали ұлы

    Ата бабаларымыздың қайсарлығмен, батырлығымен, ақылыдылығымен Атадан балаға, баладан балаға мұра етіліп қалып келген кең байтақ жерімізді басқа жалға беруге менде қарсымын! Біз ұрпағымызға аталарымыздың аманатын толық тапсыруға міндеттіміз!

  4. ЖАНАТ

    Енді есімізді жинап келе жатқанда құлға айналдырмаңызшы бізді жастарды? Жеріміз кең, неге тыныш өмір сурмейміз? Отан ушин отқа тусемин, жерімді бермеймин, ағаларымды қолдаймын!!!

  5. Əділ

    Қазақ жерді сыйлап , аса құрметтеп өскен халық. Егер халықты сол құндылығынан айырса , онда қазақтың өлгені деп ойлаймын. Ел басқарып отырған азаматтар тарихтың шешуші кезеңінде тұрсыңдар , сондықтан халықтың сөзіне құлақ асқан жөн.

  6. Берік

    Қазір басты дау жер ғой, басқа мәселені араластырмасаныздаршы! Әдейі басы қайсы аяғы қайсы, не талап етіп отырғаны түсініксіз қылып жазылған ғой, бір философиялық трактар сияқты. Халықтын наразылығы бір заңнын бірнеше бабы ғана. соны нақты және қысқаша жазуға болмады ма? Әркім өз есегін қоса байлап қойыпты ғой!!

  7. Берик

    Ойланыңыздар, халық қарсы, уайымнан ми жарылатын сияқты. Басқа да проблемалар тұрғанда жерді таптатпаңыздар.

  8. Газиза

    Онссызда кундерин зорга корип журген,несиелерин толей алмай киналып журген казак бауырларымнын атынан ,мен де толык бул усыныска косыламын.Жерди жалга немесе сатуга КАРСЫМЫН!!!

  9. Гульзат

    «Жер, Жер — Ана» деп айтып үйренген қазақпыз ғой. Анасын ешкім сатпайды ғой. «Өзімізді қорлауға жол бермейік!» дегім келеді. Жеріңді жалға берсең, сатсаң, өзіңді «қорлау» деген сол болады. Әзірге өзіміз, өзімізде тұрған кезде «тыныш» жүрген дұрыс. Жерді жалға берсек, сатсақ «бақа-шаянға айналатынымыз анық қой. Біздіә ұрпақтың жойылып кетуіне ашық жол болатыны белгілі. Ақырын жүріп, анық басайық. «Ана жаққа ешкім ешнәрсені алып кеткен емес» дейді ғой. Мұны талай тарих дәлелдеген. Құнықпайық, қанағат қалайық.

  10. Гульнара

    Толығымен қолдаймын. Мені де қосыңыздар. Көп балалы ана, ұстаз. Жерім деп, елім деп шырылдаған қазақтын қызымын

  11. Серік

    Менде қарсымын!менің Әке-Шешем не үй демей-ақ қояйын,10 гектар жерімде жоқ,ата анамнан ерте айырылғанмын.Менің тілейтінім Жер дауы жер ешкімге берілмесін тек қазақ ұлтына ғана тегін таратылсын.Квартирада қанғып жүргенсін қайдан дамысын Сонда ғана Қазақстан дамиды??

  12. Толығымен қолдаймын,.Ашық хат жолдаған азаматтарды, халқымыздың болашағын Алла қолдасын.
    Білім реформасына да қарсымын, өз төл тілімізді жетілдіріп алайық
    Капбалалы ана,ретінде : балаларымның, немерелерiнiздiн болашағына балта шаппаныздар

  13. Анар Жұмаш

    Ерді намыс қоянды қамыс өлтіреді» — намысын қолдан бермейтін асыл азаматтарымнан айналдым. Сын сағатта жұмыла білген. Осының барлығы ертең тариxқа айналады. Өз қазағына сатқындық жасаған кімге опа болмақ?…. Қалған зиялы қауым ойланар….. Үкімет біреу ақ…., қалғанымыз xалықпыз, айналайын xалқым бірігейік! Алтау ала болмасыншы төртеу түгел болайықшы! Алладан күн түн тілеп отырмыз! Бәрібір үмітімді үзгім келмейді! Жақсылықтан дәмелімін! Алланың кезекті сынынан сүрінбей өтейік қазағым….

  14. семга

    Ен алдымен жемкорлыкты жойындар кешеги 21’не откизгендей оперативно жемкорларды устасндар бундай кикилжин болмайдыго агайын бауырлар жогарыда откан! Паракорга катан зан енгизсин жерге зан шыгарганша олтирмеседе саусагын колын шауып тастасын !!!!сосын токтайтын болар арамтамактар……

  15. клара

    Тарихи шешуші сәт туды. Бугинги шешім ертең заңға айналады. Бугин қазақ ушин киын кез келди. Манг и ел болу ушин конституциялық иргетас бугин мығым қаланбаса, ертең кеш болады. Ол — мемлекет тили мен мемлекет меншигиндегі жер.

  16. Толеген

    Қазақта жер дауымен жесір дауы ең қиын дау болғаны белгілі. Мен митингке қатысқамын жоқ. Бірақ жерді шет елдіктерге ұзақ мерзімге жалға беруге, сатуға түбегейлі қарсымын. Көкше өңірінен мені де қосыңыздар. 25 жылдан кеиін біз болмауымыз əбден мүмкүн ал біздің балаларымыз бен немерелеріміз кіріп алып үш есе көбейген қытайды қуып шығара алмайды.Өз елінде түрлі себеппен соның ішінде сырттан келгендердің салдарынан аз ұлтқа айналған қазақ қытай кірсе із түзсіз жоғалатынын эорамалдау қиын емес.

  17. Сержан

    Мен осы халықтың бірімін.Жер жалға шет ел азаматтарымен компанияларына жалға берілуіне қарсымын.Ал Қазақстан азаматтарына жалға белгілі шарттармен тегін берілсе екен деимін.Өз халқыңа салған инвестиция жер болса,келешегі зор болады.Тек өкімет ұиымдастырып өндіріс орындарын ашып,сол жерден түскен баилықты ұксата білсе болғаны.Уақытты асықтырмаған жөн.Эволюциялық жлмен дамысақ Алла тағала дан жерұиығынан аларымыз өте көп.

  18. Асқар

    Осы хатты Назарбаев, тағы басқа билікке жабысып қалған шенеуніксымақтар оқыса да, оқымадым, түсінсе де түсінбедім деп шығады. Оны түсініп белгілі бір дұрыс шешім жасау үшін ақыл- парасат, ұлттық намыс керек. Бұл қасиеттер оларда бар ма екен?

  19. Берик Бердибеков

    Толығымен қолдаймын,жер жекеге сатылмасын жəне шет елге жалға берілмесін

  20. Р.М.

    Мен де косыламын. Аншейнде шындыкты айтып шырылдап отыратын айтыскер акындар, халыктын суйикти аншилери, ханнын, бидин, жау журек батырларды сомдап журген актерлер кайда? Бир тек Ринат ага калган ба? Арине жагдайлары жаксы шырылдаган халыкпен бирге журип катсин. Типти болмаса бала шагасын алып шет ел асып кетуге жагдайлары жетеди. P.S. халыктын аркасында… ел басы елимиз ушин тук истемеди деуден аулакпын. Тарихта аты калатын адам. Бирак мына кылыгымен кылган кайырын сел кылганы киын болды арине.

  21. Науат

    Меніңде осы хатта жазылған,үндеуге қосыламын жəне қолдаймын.Жер тозбайды жəне тек қазақтарға жалға берілсін.Сатылмасын жер мемлекетің меншігінде тұрсын.

  22. жумаахмет

    Ассалаумагалейкум барша га Алла нын салемимен шапагат нуры жаусын.
    Ар арайлы тан мен бастаган истерине сатилик акелсин.
    Елимиз аман журтымыз тыныш болсын агайын.
    Биринди казак бирин дос кормесен истин бари бос деп Абай хаким айткандай. Баршага ауыз биршилик жане бейбит омир жаратушы Алла насип етсин.
    Елимиз аман журтымыз тыныш болсын деген тилегимизди Алла кабыл етсин.
    Бар тилектердин кайырлысын Алла кабыл етсин.
    Осы кисилер ге дуга тилейк истерине сатилик акелсин.
    Жаратты неше алуан журт Кудайым.
    Тен етти баримиз ге кун мен айын.
    Адамның адам биткен баласы мыз.
    Кайсысын болек мунды деп айтайын.
    Иманды ер Кудайынан уялады.
    Уялып иесинен сый алады.
    Ренжитпе пенде болсан бейшараны.
    Капри конил бир сынгак би алады.
    Деп Ибрахим Алтынсарыулы жырлагандай санасы бар басшылар халык ка кулак асар деген умитпен Алла дан дуга тилеймиз.
    Укимет жане онын тиреги халык бир болса болашагымыз мыкты боларына колымда дым болмасада мен сенемин.
    Ар болашагын ойлайтын азамат пен азаматшанын сеними осы. Паракорлык тын соны неге акелип тирегенин корип жатырсыздар.
    Умит сиздерде агалар мен апалар биз сиздерге сенемиз алга Алла истеринди он кылсын . Сиздерге алдын ала рахмет …..

  23. Баурлар маселенин байыбына бармай ал шаппандар сосын соз таластырмандар соз таласкан тубине жетпейди азгындалып озинин кайда, мемлекетинин кайда калганын билми калады. Сабырлы болындар барша казактарга айтам! Батырлык деген жудырык алып кошеге жугуру емес, нагыз батырлык оз- озин кулыптап устап тартипсиздикке жол бермеу жане тыныштык сактап един жан-жалдан аман сактау.

  24. халық

    Жер стылмасын, жалғада берілмесін шетелдіктерге. Шетелдікке шыққан қыздардын балдарынада берілмесін сатылмасын солай заң шығарсын. Тоба тайпасындай құрып, өз мұнайымызды 1ғасырдансоң үстімізге құйып бір жерде өртеп жібдермесн десе.

  25. Ажаргул Арыстанова Сериккызы

    Акка кудай жак демейме? Жигерлериниз жасымасын, талаптарыныз тапталмасын! Ак журек агаларым, ардакты апаларым жеримиз сатылмауын тилейкши…

  26. Жан

    Жерді шет елге жалға беруге болмайды!!! Кезінде переселенцы деп орыстарды жер аударды қазақ жеріне. Орыстандық. Тіліміз, дініміз мүшкіл халге жетті. Оған да көнді қазақ халқы. Ендігі уақытта қытайға жалтақтақтасақ не болды. Экономиканы көтерудің басқа жолы толып жатыр. Ең құрымаса мемлекеттің қаржысын шет елге тасығандарға тұсау салудан бастаса да қайда жатыр. Қытайды шекарадан асыруға болмайды!!! Есіңді жи, оян деп айқай салғың келеді депутаттарға.

  27. Нургул

    Менде, мунайшы, Айткалиева Нургул, осы айтылган создерге косыламын! Бырак, казак тилин мемлекеттин басына койып. агылшын, немис, орыс, араб, кытай т.б.тилдеринде ел арасында дамыткан дурыс-деп есептеймин.

  28. Жəнібек

    Жақсы жазылған ел қамын ойлаған ағаларымыздың жан айғайын ел қалаулылары тыңдап дұрыс шешім қабвлдар деп оцлаймын.Толықтай қосыламын жер Қазақстан РК меншігінде қалуына бірауыздан келісемін .Жер сатылмасын.тек Қр.Азаматтарына ғана жалға берілсін кем дегенде 20жылдық азаматтығы бар азаматтарымызға !

  29. Ерлан

    мен Ерлан Өзбекстан қазағымын мысалы келтіремін, мен туып өскен жерім Тамды ауданын 1957 жылы Хрушчев, Өзбекстанға 50жылға арендаға берген мақта ексін деп. Сол жер соған дейін Қызылорда облысы Тамды ауданы болып келген. менің атамның атасы 1700 жылы сол Тамды жерінде жасаған бұл бұрыннан қазақтар мекендеген атамекеніміз. Енді мынау тұрған армиясы нашар Өзбекстан бермей жатыр басқа ірі мемлекеттер қайтарып бермейді. Қазір Өзбекстаннан келсең оралмансың сен қашан қиын жағдай болғанда аштық болғанда қашып кеткенсіңдер дейді, жо-жоқ əсте олай емес Өзбекстанда жасайтын қазақтар бұрыннан атамекенінде жасап келе жатқан қазақтар. менің айтатыным жердің шөл болсада тас болсада 1 қарыс жерін ешкімге ешқашан бермеу керек. Ал қазір Өзбекстанда 1 700 000 қазақ бар. 600 000мыңдай көшіп келді Қазақстанға қалған қазақтар атамекенін тастап кеткісі жоқ

Добавить комментарий

Ваш e-mail не будет опубликован. Обязательные поля помечены *