004

حالىققا قىزمەت كورسەتۋ ورتالىعىندا كەزەكتە تۇرعان ادام قايتىس بولدى (فوتو)

الماتى وبلىسىنىڭ حالىققا قىزمەت كورسەتۋ ورتالىعىندا كەزەكتە تۇرعان ەر ادام قازا بولدى. وقيعا ىلە اۋدانىنداعى وتەگەن باتىر كەنتىندە بولعان.

بۇل تۋرالى nur.kz سايتى حابارلاپ وتىر. 

رينات اۆازباكيەۆ ەسىمدى وقيعا كۋاگەرى حابارلاسىپ بولعان جايتتى بايانداعان. ونىڭ ايتۋىنشا، قازا بولعان ەر ادامنىڭ جاسى 60-65 شاماسىندا. سونىمەن بىرگە ول شاعىمىن دا جەتكىزدى.

 “كەزەكتە 100-گە جۋىق ادام تۇرادى. ءار ادامعا 20 مينۋت ۋاقىت كەتەدى دەگەن ۋادە ورىندالماعان. تىركەۋمەن تەك ەكى ادام اينالىسىپ وتىر. بىرەۋلەر ءتىپتى سەنبىدەن بەرى تىركەلە الماي الەككە ءتۇسىپ ءجۇر. سوعان قاراماستان، سونداعى “زاڭ وكىلدەرى” ايىپپۇل سالامىز دەپ قورقىتىپ جۇرگەن كورىنەدى”، – دەيدى ەر ادام.

الماتى وبلىسىنىڭ ءىىد 1957 جىلى تۋعان ىلە اۋدانىنىڭ تۇرعىنى قايتىس بولعانىن راستادى. قازىرگى ۋاقىتتا قۇزىرلى ورگاندار ەر ادامنىڭ ولىمىنە قاتىستى تەكسەرىس جۇرگىزىپ جاتىر. تولىق اقپارات كەيىنىرەك بەرىلەدى.

وسى ورايدا الماتى وبلىستىق ءىىد اۋداندىق پوليتسيا بولىمشەسى جاڭا زاڭنامانى ءتۇسىندىرۋ جۇمىستارى بويىنشا باق وكىلدەرىمەن كەزدەسىپ، ۋاقىتشا تىركەۋگە قاتىستى حقكو-تارىندا كەلەڭسىز جاعدايلار تۋىنداماعانىن ايتقان.

ەستەرىڭىزگە سالا كەتسەك، ۋاقىتشا تىركەۋدى ەلىمىزدە 7 قاڭتاردان باستاپ ەنگىزدى. ال تىركەلمەگەن ازاماتتارعا 2017 جىلدىڭ 1 اقپانىنان باستاپ ايىپپۇل سالىنا باستايدى.

 ۋاقىتشا تىركەۋگە تۇرعىلىقتى جەرى بويىنشا تىركەلمەگەن ادامدار تۇرۋى قاجەت. ىشكى ميگراتسيانى باقىلاۋدى ۋچاسكەلىك پوليتسياعا جۇكتەپ وتىر. زاڭ بۇزۋشىلاردى ولار بۇرىننان كەلە جاتقان ۇيرەنشىكتى ءادىس-تاسىلدەرمەن انىقتايدى.


باس تاقىرىپتاعى nur.kz سايتىنان الىندى

پىكىر ۇستەۋ

ە-پوشتا مەكەنجايىڭىز جاريالانبايدى. مىندەتتى ورىستەر * تاڭبالانعان