008

قىرعىز ەلشىلىگى قازاقتاردان كەشىرىم سۇرادى

«Abai.kz» اقپاراتتىق پورتالىندا  االى تۋتكىچەۆ پەن ازامات بولعونباەۆتىڭ ايتىسى جاريالاعان (قىرعىز اقىندارى) بولاتىن. ءسوز دوداسى ۇستىندە قىزدى-قىزدىمەن ەكى اقىن قازاق  حالقى تۋرالى قاتتى-قاتتى سوزدەر ايتىپ قالعان.

بۇدان پورتال قىزمەتكەرلەرى ايتىس ساحناسىندا ارقالانىپ الىپ اۋىزدارىنا تۇسكەن ءسوزدى ايتقان ەكەۋدىڭ بۇل «اقىندىعى» قازاق-قىرعىز قارىم-قاتىناسىنا سىزات ءتۇسىرىپ، ۇلتارالىق رەنىش، وكپە تۋدىرۋى مۇمكىن ايتىپ قىرعىزستاننىڭ قازاقستانداعى توتەنشە جانە وكىلەتتى ەلشىلىگىنە حابارلاسىپتى. ءوز كەزەگىندە قىرعىز رەسپۋبليكاسىنىڭ قازاقستانداعى ەلشىلىگىنىڭ ءبىرىنشى حاتشىسى، شولپاناي ابدىساماتقىزى ادجيماتوۆا جاۋاپ بەردى. الدىمەن ديپلوماتتار  «Abai.kz» اقپاراتتىق پورتالىندا جاريالانعان «قىرعىز اقىندارى قازاقتى قىرىنا الدى. نەگە؟» اتتى ماقالامەن تانىسىپ شىعىپ، ەلشىلىكتىڭ ءبىرىنشى حاتشىسى شولپاناي ابدىساماتقىزى «Abai.kz»  پورتالىنا قىرعىزستاندىق ەكى اقىننىڭ داۋ شاقىرعان داڭعازا ارەكەتىنە قاتىستى پىكىر ءبىلدىردى.

– مەن «Abai.kz» اقپاراتتىق پورتالىندا جاريالانعان ماقالامەن جانە وندا كورسەتىلگەن بەينە جازبامەن تانىسىپ شىقتىم. شىنتۋايتىنا كەلگەندە  قاتتى ۇيالىپ وتىرمىن. باۋىرلاس ەكى ەلدىڭ تىنىشتىعىن بۇزاتىنداي اۋىر سوزدەر ايتىلعان ەكەن. سول ءۇشىن قىرعىز رەسپۋبليكاسى جانە قىرعىز حالقى اتىنان قازاق حالقىنان كەشىرىم سۇرايمىن. وزدەرىڭىز دە ماقالادا ايتقانداي، ەكى اقىننىڭ ءسوزى كۇللى قىرعىز حالقىنىڭ ءسوزى ەمەس، ارينە. مەن جانە ءبىر مارتە قازاق حالقىنان وسى ءبىر ءجايت ءۇشىن كەشىرىم سۇرايمىن، – دەدى قىرعىز ەلشىلىگىنىڭ وكىلى.

سونداي-اق، شولپاناي ابدىساماتقىزىنىڭ ايتۋىنشا، االى تۋتكىچەۆ باستاپ، ازامات بولعونباەۆ قوشتاعان قىرعىز اقىندارىنا رەسمي تۇردە قىرعىزستان ۇكىمەتى تاراپىنان شارا قولدانىلاتىن بولدى.

– ءبىز ءبىرىنشى كەزەكتە بۇل ەكى اقىننىڭ ايتىستا ايتقان سوزدەرىن كەلتىرە وتىرىپ،  قىرعىز رەسپۋبليكاسىنىڭ مادەنيەت مينيسترلىگىنە جانە سىرتقى ىستەر مينيسترلىگىنە حات جازامىز. ول جاقتان رەسمي جاۋاپ كەلگەندە ەكى اقىنعا قاتىستى قانداي شارا قولدانىلاتىنىن ايتاتىن بولامىز. ال ازىرگە مەن ناقتى قانداي شارا قولدانىلاتىنىن بىلمەيمىن. بىراق، قانداي دا ءبىر رەاكتسيا بولاتىنى ءسوزسىز. ايىپقا بۇيىرماڭىزدار، سىزدەردەن تاعى دا كەشىرىم سۇرايمىن، – دەدى ەلشىلىك وكىلى.

وسى رەتتە ايتا كەتەيىك، ءبىز قىرعىز اقىنى ازامات بولعونباەۆقا دا حابارلاسقان ەدىك. ازماتتىڭ تاراپىنان ەش جاۋاپ بولمادى. ءتىپتى، «ۆاتساپ» جەلىسى ارقىلى سۇراعىمىزدى جولداپ، سۇحباتقا شاقىردىق. بۇل ارەكەتىمىز دە ناتيجەسىز قالدى.

«ەلدەستىرمەك –  ەلشىدەن، داۋلاستىرماق – داۋشىدان» دەمەكشى، ءبىز ءوز كەزەگىمىزدە بۇل ەكى اقىننىڭ اۋزىنداعى ءسوزدى كۇللى قىرعىز حالقىنىڭ اۋزىنداعى ءسوز دەۋدەن اۋلاقپىز. الداعى ۋاقىتتا قىرعىز رەسپۋبليكاسىنىڭ قازاقستانداعى توتەنشە جانە وكىلەتتى ەلشىلىگىمەن بايلانىس ورناتا وتىرىپ، اتالعان اقىندارعا قاتىستى قىرعىز بيلىگى تاراپىنان قانداي شارا قولدانىلعانىن ءبىلىپ، حابارلايتىن بولامىز.

نۇرگەلدى ابدىعانيۇلى

Abai.kz

4 پىكىر

  1. جۋلدىز

    Əر ادام ءوز ويىن اشىق جەتكىزۋگە قۋقىلى. بىراق بۋل جاعداي مۋلدەم باسقا. ءبىر ادامدى عانا ەمەس، بۋكىل ءبىر ەلگە ءتىل تيگىزىپ وتىرعان بۋنداي اقىن سماقتاردىڭ تىلدەرىن كەسۋ كەرەك. بۋنداي ساۋاتسىز اقىنداردىڭ كەسىرى ەكى باۋىرلاس ەلدىڭ ايرانداي ءۋيىپ وتىرعان دوستىعىنا نۋقسان كەلتىرىپ ءبىر بىرىنە دەگەن وشپەندىلىكتى ارتىراد.

  2. كازاك

    بۋل كىرگىز دەگەن كىم ەكەن سونشا )))
    بىر ماناسى بار بىر دوردايى بار كويمايدىگوي ەلىندە باتىر بولىپ.
    ونداي ماناس ساناس سياكتىلار تولىپ جاتىر بىزدىن كازاكتا . كايسىسىن ايتايىن جەتەدى تەكتى كازاك !!!
    پاتەنتتەپ الۋ كەرەك دەيدى كازاكتى)
    سەندەر كىرگىزدار وزبەكتەن سال
    دۋرىسسىندار، بىراك كازاكتىن كانىنا جەتۋ كايدا سەندەرگە !
    بيشكەك پەن دوردايىندى الىپ كويامىز وسى سوزىنە ! سسسر دا كالكان مۋرىنبوكتار.
    ارتتارىنا كاراپ سويلەندەر تەكسىزدەر كايسىسىن بولساندا !

  3. بەك

    بۇل ۆەبسايد ارقىلى االا تۋتقىچەۆقا شىقسا بولادى! شاتاسپاسام بايلانىس ءنومىرى تۋر! سىزدەر سودان جۋرناليست رەتىندە تۋسىنىكتەمە الساڭىز دۇرىس بولار ەدى. ال حالىك سىنىڭ بەرە جاتار http://events.kg/aaly-tutkuchev/

دوباۆيت كوممەنتاري

ۆاش e-mail نە بۋدەت وپۋبليكوۆان. وبيازاتەلنىە پوليا پومەچەنى *