004

Qırğız elşiligi qazaqtardan keşirim swradı

“Abai.kz” aqparattıq portalında  Aalı Tutkıçev pen Azamat Bolğonbaevtıñ aytısı jariyalağan (qırğız aqındarı) bolatın. Söz dodası üstinde qızdı-qızdımen eki aqın qazaq  halqı turalı qattı-qattı sözder aytıp qalğan.

Bwdan portal qızmetkerleri aytıs sahnasında arqalanıp alıp auızdarına tüsken sözdi aytqan ekeudiñ bwl «aqındığı» qazaq-qırğız qarım-qatınasına sızat tüsirip, wltaralıq reniş, ökpe tudıruı mümkin aytıp Qırğızstannıñ Qazaqstandağı Tötenşe jäne Ökiletti elşiligine habarlasıptı. Öz kezeginde Qırğız Respublikasınıñ Qazaqstandağı elşiliginiñ birinşi hatşısı, Şolpanay Äbdisamatqızı Adjimatova jauap berdi. Aldımen diplomattar  “Abai.kz” aqparattıq portalında jariyalanğan “Qırğız aqındarı qazaqtı qırına aldı. Nege?” attı maqalamen tanısıp şığıp, elşiliktiñ birinşi hatşısı Şolpanay Äbdisamatqızı “Abai.kz”  portalına qırğızstandıq eki aqınnıñ dau şaqırğan dañğaza äreketine qatıstı pikir bildirdi.

– Men “Abai.kz” aqparattıq portalında jariyalanğan maqalamen jäne onda körsetilgen beyne jazbamen tanısıp şıqtım. Şıntuaytına kelgende  qattı wyalıp otırmın. Bauırlas eki eldiñ tınıştığın bwzatınday auır sözder aytılğan eken. Sol üşin Qırğız Respublikası jäne qırğız halqı atınan qazaq halqınan keşirim swraymın. Özderiñiz de maqalada aytqanday, eki aqınnıñ sözi külli qırğız halqınıñ sözi emes, ärine. Men jäne bir märte qazaq halqınan osı bir jäyt üşin keşirim swraymın, – dedi Qırğız elşiliginiñ ökili.

Sonday-aq, Şolpanay Äbdisamatqızınıñ aytuınşa, Aalı Tutkıçev bastap, Azamat Bolğonbaev qoştağan qırğız aqındarına resmi türde Qırğızstan Ükimeti tarapınan şara qoldanılatın boldı.

– Biz birinşi kezekte bwl eki aqınnıñ aytısta aytqan sözderin keltire otırıp,  Qırğız Respublikasınıñ Mädeniet ministrligine jäne Sırtqı ister ministrligine hat jazamız. Ol jaqtan resmi jauap kelgende eki aqınğa qatıstı qanday şara qoldanılatının aytatın bolamız. Al äzirge men naqtı qanday şara qoldanılatının bilmeymin. Biraq, qanday da bir reakciya bolatını sözsiz. Ayıpqa bwyırmañızdar, sizderden tağı da keşirim swraymın, – dedi elşilik ökili.

Osı rette ayta keteyik, biz qırğız aqını Azamat Bolğonbaevqa da habarlasqan edik. Azmattıñ tarapınan eş jauap bolmadı. Tipti, “vatsap” jelisi arqılı swrağımızdı joldap, swhbatqa şaqırdıq. Bwl äreketimiz de nätijesiz qaldı.

“Eldestirmek –  elşiden, daulastırmaq – dauşıdan” demekşi, biz öz kezegimizde bwl eki aqınnıñ auzındağı sözdi külli qırğız halqınıñ auzındağı söz deuden aulaqpız. Aldağı uaqıtta Qırğız Respublikasınıñ Qazaqstandağı Tötenşe jäne Ökiletti elşiligimen baylanıs ornata otırıp, atalğan aqındarğa qatıstı Qırğız biligi tarapınan qanday şara qoldanılğanın bilip, habarlaytın bolamız.

Nwrgeldi Äbdiğaniwlı

Abai.kz

4 pikir

  1. Juldız

    Ər adam öz oyın aşıq jetkizuge quqılı. Biraq bul jağday muldem basqa. Bir adamdı ğana emes, bukil bir elge til tigizip otırğan bunday aqın smaqtardıñ tilderin kesu kerek. Bunday sauatsız aqındardıñ kesiri eki bauırlas eldiñ ayranday uyip otırğan dostığına nuqsan keltirip bir birine degen öşpendilikti artırad.

  2. Kazak

    Bul Kırgız degen kım eken sonşa )))
    Bır Manası bar bır dordayı bar koymaydıgoy elınde batır bolıp.
    Onday Manas sanas siaktılar tolıp jatır bızdın kazakta . Kaysısın aytayın jetedı tektı kazak !!!
    Patenttep alu kerek deydı kazaktı)
    Sender kırgızdar ozbekten sal
    durıssındar, bırak kazaktın kanına jetu kayda senderge !
    Bişkek pen dordayındı alıp koyamız osı sozıne ! SSSR da kalkan murınboktar.
    Arttarına karap soylender teksızder kaysısın bolsanda !

Pikir üsteu

E-poşta mekenjayıñız jariyalanbaydı. Mindetti örister * tañbalanğan