008

ЭКСПО нысандары қауіпсіздігіне жауап азаматтың денесі өзеннен табылды

Елордадағы күзет фирмаларының біріне жетекшілік ететін Берік Құсайынов есімді азаматтың денесі Ақмола облысындағы өзенге батқан көлік ішінен табылған. Бұл туралы облыстық ішкі істер департаменті баспасөз қызметі хабарлайды.

Еске салсақ, елордалық азамат үш ай бұрын достарымен балық аулауға шығып кеткеннен бері табылмаған болатын. Оған тиесілі Toyota 4Runner автокөлігі Қорғалжын ауданына қарасты Алғабас ауылындағы Нұра өзенінен табылыпты.

Қазіргі таңда арнайы сараптама тағайындалып, істі құқық қорғаушылар қарастырып жатыр. Куәгерлер оның көлігіне мініп белгісіз бағытқа қарай кетіп қалғанын айтқан. Еске салсақ, ол басқаратын “SSS Group” ЖШС фирмасы ЭКСПО-2017 нысандарының қауіпсіздігіне жауап берумен айналысқан.

ЭКСПО-2017 нысандарын күзетумен айналысатын “SSS Group” ЖШС фирмасының басшысы Берік Құсайынов 22 сәуір күні із-түссіз жоғалып кетті. Сағат 19:00-де ер адам әріптестерімен бірге Сабынды ауылына қарай балық аулауға кетіп, қайта оралмаған. Бұған дейін оның әйелі де халыққа арнайы видео үндеу жолдап, күйеуін табуға көмектесулерін сұраған еді.

 

Дереккөзі: stan.kz

Добавить комментарий

Ваш e-mail не будет опубликован. Обязательные поля помечены *