008

Қазақ болу бәрінен жоғары тұруы керек

Мен – қазақпын. Сіз де қазақсыз. Ол да қазақ. Бәріміз қазақпыз. Алайда біз өзіміз ардақтайтын жеке бас қүндылықтарымызды қазақтықтан жоғары қоямыз. Ал оның біздің ұлттық тұтастығымызға кері әсер етіп жатқандығына тіпті бас та қатырмаймыз.

Бас қатырмайтындығымыз сонша, біз қазір әлгі өзіміз әспеттейтін жеке бас құндылықтарымызды қоғамдық талқылауға шығарып, осы орайда өз мүдделестеріміз шоғырын қалыптастыра бастадық. Бұл тұрғыда оң нәтиже көрсете бастағандар «Енді осы ойды әрі қарай қанаттандырып, партия құрсақ та болады-ау» деген де қиялға ерік бере бастайды. Жалпы осындай арман жетегінде жүрген күштер аз емес.

Жоғарыда да айтқанымыздай ол арман-тілектердің бәрі қазақ болудан үстем тұр. Сонда ол қандай арман-тілектер? Санамалап көрейік. Бірінші – рушылдық, екінші – жершілдік, үшінші – діншілдік, төртінші – ұлтсыздық, бесінші… Осылай санамалай беруге болады.

Мәселен мен не үшін өзге бір қазақты оның діни ұстанымы менікімен үйлеспегендігі үшін неге жек көруім керек? Себебі, біздің ол ұстанымдарымыздың қай-қайсысы да қазақтықтан биік тұр. Сондықтан бізге ең әуелі қазақ болу керек. Сонда ғана біз оның жеке ұстанымына бас қатырмайтын, әрі сол ұстаным бойынша топтаспайтын боламыз. Алайда қазақ бола салу оңай емес. Ол үшін… Сіз не ұсынар едіңіз?

 

Құдияр БІЛӘЛ, жазушы.

2 пікір

  1. Ассар

    Орыс тілінде оқып орысша тәрбие көрген қазақ ешқашан қазақ тілді болғысы келмейді. Кейбір текті азаматтар болмаса көбісі сол орыс қалпын сақтайды. Өйткені орысша тәрюие көрген адам өзін өмірде еркін, ойына келгенін істейтін пенде болып өседі. Мен қазақ екенмін , қазақшылығымды сақтайын десе мұсылман халық оның ішінде қазақ халқында бұ дүниеде босқа көңіл көтеріп шайтан қылықтарға тыйым салады. Мысалы жеңіл жүріс, ашық киіну, арақ, шошқа еттеріне харам деп қарамау, сәлем салу (әйел болса) үлкен адамға дөрекі айта салу, үлкендердің атын бажырайтып атай салу деген нәрселерден қашқысы жоқ. олар үшін ол орысша оқыған кезде ол қазақтан биіктей түскен сиақты әсер алады. Негізі надандыққа бет бұрғанын білмейді. Ең дұрыс қай тілде білім алсаңда қай елдің мәдениетін сіңірсеңде қазақшылыққа жат мәдениеттерді қабылдамай Мен Қазақпын деп өсу керек. Егер сұмдық білімді болсаң Мен қазақ болғасын білімді болдым, әділ болсаң қанымда қазақтың қаны бар мен әділмін деп тұру керек. Өзің өссең қазақтықты өзіңнен де биік ұстап үйрен. Былай шығыа қазақпайский деп надан болып кетпеңдер. Орыс тілді болсаң шовонисттердің құлы ғанасың.

  2. Дүр

    Обрусевший қазақ-ол енді қазақ деп ааталуға тиіс емес деп айтсақ..өйткені ол жан-тəнімен 1000градусқа өзгерген .тілі жоқ-өзге ұлттың тілінде сөйлейді,діні жоқ-дінді керек қылмайды.

Добавить комментарий

Ваш e-mail не будет опубликован. Обязательные поля помечены *