008

М.Құл-Мұхаммед: «Алматы облысында өнеркəсіптерді дамыту жолға қойылған»

«Нұр Отан» партиясы Төрағасының Бірінші орынбасары Мұхтар Құл-Мұхаммед Алматы облысына жұмыс сапарымен келіп, облыс әкімі Амандық Баталовпен бірге өңірдегі бірқатар мəдени жəне өнеркəсіп нысандарын аралады. Сапар барысында Елбасының «Төртінші өнеркәсіптік революция жағдайындағы дамудың жаңа мүмкіндіктері» атты биылғы Жолдауында айтылған басымдықтардыжүзеге асырудың маңыздылығына ерекше тоқталды, деп хабарлайды Алматы облысы əкімінің баспасөз қызметі.

Бірінші Қарасай ауданында өткен жылы ашылған мемориалды кешен мен тарихи-мәдени орталыққа арнайы тоқтады. «Батыр бабалар» мемориалды кешені «Рухани жаңғыру» бағдарламасы аясында салынып, 2017 жылдың қыркүйек айында пайдалануға берілді. Бір гектардан астам жерді алып жатқан кешен өзінің бірегей архитектуралық бейнесімен бірден көпшіліктің қызығушылығын тудырды. Нақты айтқанда, нысан батырдың дулығасы бейнесінде салынған. Кешенде қойылған экспозиция барлық дәуірді – сақ дәуірінен бастап тәуелсіз Қазақстанның қалыптасуына дейінгі кезеңдерді түгел қамтыған. Мұнда аты аңызға айналған сақ ханшайымы Тұмардың, ғұнпатшасы Еділдің, Түрік қағанаты, Қазақ хандығыбилеушілерінің, билер мен батырлардың, Алашорда көсемдерінің портреттік галереясы, олардың мол мұралары жайлы жалпы алғанда 41 экспонат пен фотоматериалдар қойылған.

Өңірдегі жаңадан ашылған маңызды нысандардың тағы бірі – Елбасы, Қазақстан Республикасы Тұңғыш Президентінің «Атамекен» тарихи-мәдени орталығы. Елбасының туған ауылы Шамалғанда орналасқан бұл орталық Мемлекет басшысының өмір жолын кеңінен насихаттау мақсатында ашылған. Одан бөлек, Нұрсұлтан Назарбаевтың еңбекке алғаш араласқан сәтінен бастап саясаттағы ірі жеңістері мен жетістіктерін қамтитын құнды дүниелер арқылы өскелең ұрпаққа үлгі-өнеге көрсету, жастарымызды отаншылдыққа, ұлтжандылыққа тәрбиелеу көзделген.

Аталған бірегей кешендердегі жәдігерлермен танысқан «Нұр Отан» партиясы Төрағасының Бірінші орынбасары бұл нысандардың ашылуы Елбасының «Болашаққа бағдар: рухани жаңғыру» бағдарламалық мақаласы мен «Төртінші өнеркәсіптік революция жағдайындағы дамудың жаңа мүмкіндіктері» атты Жолдауында айтылған басымдықтардың нәтижесі екенін тілге тиек етті.

«Батыр бабалар» мемориалы мен «Атамекен» орталығында қазірдің өзінде бірнеше айға жоспарланған экскурсиялық кесте жасалып қойылған. М. Құл-Мұхаммед осы күні кешенді тамашалауға келген Қырғауылды ауылындағы Ушинский атындағы мектептің оқушыларыментілдесіп, оларға осы тарихи орыннанкөрген құнды жəдігерлер мен өнегелі мəліметтердікөңілдеріне түюді, бұл болашақ өмірлеріне зор тағылым болатынын айтты.

Алматы облысы аграрлы аймақ болғандықтан Елбасының биылғы Жолдауының  аграрлық саясатқа, еңбек өнімділігін түбегейлі арттыруға және өнделген өнімнің экспортын ұлғайтуға бағытталған үшінші міндетіне осы сапарында М. Құл-Мұхаммед ерекше мән берді. Соған орай партия Төрағасының Бірінші орынбасары кондитерлік өнімдер шығаратын «Алматыөнімдері» ЖШС кәсіпорнына арнайы барды. 200 адамды жұмыспенқамтып отырған бұл нысанда кондитерлік өнімдердің 150-ден астам түрі өндіріледі. Кәсіпорынның өндірістік қуаты жылына 13 мың тонна дайын өнім шығаруға лайықталған. Ең басты ерекшелігі – қажетті шикізаттардың жүз пайызға жуығыотандық өнімдер. Мəселен, ұн Ақмола облысынан жеткізіледі.

Осы кəсіпорында шығарылған печенье, вафли, карамель, халва сынды тәттілерді өзімізбен қатар Орталық Азия елдерінің, Ресейдің және Германия мен Беларусьтің тұрғындары да тұтынады. «Бизнестің жол картасы-2020» мемлекеттік бағдарламасы негізінде қолдауға ие болуы кəсіпорынның тынысын кеңейте түсуіне мүмкіндік берген.

Кәсіпорынға арнайы атбасын бұрған Мұхтар Құл-Мұхаммед өндіріс орнының технологиялық үдерісімен және жаңадан іске қосылатын желінің жұмысымен танысты.

Мұнан соң «Алматы-Шыны» ЖШС зауытына барып, банкі, құты сияқты шыны ыдыстарын өндіру процесін көзімен көрді. Зауыт директоры Азим Абдуллаевтың айтуынша, мұндағы қондырғылардың Қазақстан бойынша баламасы жоқ. Кәсіпорында бес бірдей технологиялық машина желісі жұмыс істейді. Соның нәтижесінде шыны ыдыстардың кез келген түрін дайындауға мүмкіндік бар. Мұнда жылына1550 С* градус ыстықта құйылатын 120 миллионға дейін шыны құтылар мен банкілер шығарылады. Өнеркəсіп орны жылына 18 млрд. теңгенің өнімін өндіріп отыр. Шикізат Қызылорда облысынан, Текелі қаласынан жəне шет елдерден əкелінсе, дайын өнімді тұтынушылар тек Қазақстанда ғана емес, сонымен қатар Ресей, Əзірбайжан, Түркия, Тəжікстан сияқты таяу көрші мемлекеттерге де жөнелтіліп отыр.Кəсіпорын өз жұмысшыларына барлық қолайлы жағдайларды жасап қойған. Қызметтік тұрғын үймен қамтып, зауыт маңында тұрмысқа қажетті дəріхана, асхана, сауда үйі сияқты əлеуметтік нысандардың жұмыс істеуін қамтамасыз етіп отыр.

Серіктестіктің еңбек ұжымымен кездескен Мұхтар Құл-Мұхаммед Елбасымыз өзінің жаңа Жолдауында айтқан Төртінші өнеркәсіптік революция дәуірі өндіріс орындарынан соңғы үлгідегі технологияларды кеңінен енгізуді талап ететініне назар аударды. Бұл орайда «Алматы-Шыны» сияқты заманауи кәсіпорындар да Елбасы айтқан жаңғыру мен цифрландыруды жүзеге асыруда аса белсенді болуы тиіс.

Сапар соңында Мұхтар Құл-Мұхаммед «Нұр Отан» партиясының облыстық, аудандық, қалалық филиалдары мен бастауыш партия ұйымдарына Елбасы Жолдауындағы барлық міндеттің жүзеге асырылуын қатаң бақылауға алуды және бұл маңызды құжаттың мәні мен мағынасын Алматы облысының әрбір тұрғынына түсіндіру жүмыстарын жүйелі түрде жүргізуді тапсырды.

– Мемлекет басшысы өзінің кешегі Жолдауында он басым бағытты атап өтіп, алдымызға зор міндеттер жүктеді. Соның ішінде аграрлық секторға, индустрияға цифрлы жаңа технологияны енгізу, сол арқылы кәсіпкерлердің тиімді еңбек өнімділігіне қол жеткізуіне, өнделген ауыл шаруашылығы өнімдерінің экспортын 2,5 есеге арттыруға мүмкіндіктер жасау талабы тұр. Бұл орайда Алматы облысында жарқын мысал, жақсы бастамалар бар екенін көрдік. Бүгінгі күні тұтынушы ең алдымен өнімнің экологиялық тазалығы мен сапасына назар аударады. Бүгін біз барған зауыттар сондай талаптарға толығымен жауап береді. Еліміздің идустриялық дамуында, əсіресе, өңдеуші кəсіпорындардың маңызы зор. Елбасы айтқан экспортқа бағытталған өнеркəсіптерді дамыту, олардың нəтижелі жұмысына жағдай жасау Алматы облысында жақсы жолға қойылған. Осы бағыттағы жұмысты жалғастыра беру керек, – деді М. Құл-Мұхаммед қорытынды сөзінде.

 

Алматы облысы əкімінің баспасөз қызметі

10 пікір

  1. Марат

    Еліміздің ең ірі қалаларының бірі Алматы қаласы болып есептеледі. Сол Алматы қаласының өнеркәсібін одай қарай дамытып бүкіл Қазақстан елін “Қазақстанда жасалған” деген жазумен керек жарағымен қамтамас етіп отырса қандай керемет болатын еді!

  2. Толганай

    Алматы облысы өте қолайлы, білікті мамандар да, жаңа технологиялар да қолданылады. Әлбетте көрсеткіш деңгейі жақс демей ары қарай дамыта беру керек. Экспортқа шығаратын елдермен қарым қатынасты нығайтып, басқа да елдерге шығуымыз керек.

  3. Мадина

    Агрария негізі біздің кәсіп, ыңғайымыз да, шамамыз да кееледі. Зауыттардағы жаңа технологиялар өнімділікті арттырады деп сенемін.

  4. Эльвира

    Шикізаттың 100 пайызына жуығы отандық өнім деген үлкен жұмыс. Басқа да кәсіпорындар осындай деңгейге жетсе екен.

  5. Шапагат

    Наше преимущество что производим натуральную, экологически чистую продукцию,на это мы должны делать акцент

  6. Марат

    Внедрение в аграрном секторе новых технологий , будет способствовать повышению повышению производительности труда что будет несомненным плюсом для нас

  7. Мархат

    Мы должны делать акцент на экспорт, классно будет продавать на весь мир товар под брендом “Сделано в Казахстане”

Пікір үстеу

Э-пошта мекенжайыңыз жарияланбайды. Міндетті өрістер * таңбаланған