Energetıka mınıstrliginiń málimetinshe, 2027 jyldyń birinshi toqsanynyń sońyna qaraı Qazaqstan ekonomıkasynyń elektr energıasyna degen ishki qajettiligi tolyq qamtamasyz etiledi. Al 2029 jylǵa qaraı elde turaqty profısıt qalyptasyp, elektr qýatyn eksporttaý múmkindigi paıda bolýy múmkin, dep habarlaıdy Dalanews.kz.
Qazir Qazaqstannyń energojúıesinde 241 elektr óndirý kózi bar. Onyń 162-si jańartylatyn energıa kózderine jatady. Jalpy ornatylǵan qýat kólemi 26,7 GVt-qa jetken.
Aldaǵy jyldary energetıka salasynda aýqymdy jobalar iske asyrylady. Josparǵa sáıkes, qosymsha 26 GVt-tan astam jańa qýat iske qosylady. Bul qatarǵa qoldanystaǵy stansıalardy jańǵyrtý, dástúrli generasıa nysandaryn salý, jańartylatyn energıa jobalary jáne atom elektr stansıasynyń qurylysy kiredi.
