Sınoptıkter 22 jeltoqsanda aýa raıy qandaı bolatynyn aıtty, dep habarlaıdy Dalanews.kz.
Respýblıkanyń basym bóliginde qar jaýyp, burqasyn soǵady, al elimizdiń soltústik-batysynda, soltústiginde, shyǵysynda jáne ortalyǵynda qalyń qar kútiledi. Batys jáne ońtústik óńirlerde jaýyn-shashyn jańbyr men qar túrinde boljanady, al Qazaqstannyń ońtústigi men ońtústik-shyǵysynyń taýly aımaqtarynda qatty qar jaýady.
El aýmaǵynda tuman, kóktaıǵaq, sondaı-aq jeldiń kúsheıýi kútiledi.
Temperatýralyq fonǵa kelsek, soltústik-batys, soltústik, shyǵys jáne ortalyq óńirlerde aýa temperatýrasy 0–5 gradýstan 18–30 gradýs aıazǵa deıin kúrt aýytqıdy, al Qostanaı jáne Soltústik Qazaqstan oblystarynda 33–35 gradýsqa deıin aıaz kútiledi. Eldiń qalǵan aýmaǵynda aýa temperatýrasy aıtarlyqtaı ózgermeıdi.
