Aldaǵy kúnderi Qazaqstan aýmaǵy arqyly Jerorta teńizi aımaqtarynan kelgen sıklon ótedi. Osyǵan baılanysty respýblıkanyń kóp bóliginde qar jaýyp, boran bolady, al batys, ońtústik jáne ońtústik-shyǵys óńirlerde jańbyr men qar túrindegi jaýyn-shashyn boljanady, dep habarlaıdy Dalanews.kz.
5 qańtarda ońtústik-shyǵysta kúshti jaýyn-shashyn boljanady.
Respýblıka boıynsha kóktaıǵaq, tuman, jeldiń kúsheıýi kútiledi.
Eldiń batysynda túnde aýa temperatýrasy 0–8° aıazǵa deıin, kúndiz 2° aıazdan 5° jylýǵa deıin kóteriledi.
Ortalyq óńirlerde temperatýra tómendeıdi: túnde 10–18° aıaz, kúndiz 5–12° aıaz.
Ońtústikte túnde 0–10° aıaz, kúndiz 6° aıazdan 2° jylýǵa deıin. Ońtústik-shyǵysta túnde 0–5° aıaz, taýly aımaqtarda 8–13° aıaz, kúndiz 2° aıazdan 3° jylýǵa deıin, taýly óńirlerde 5–10° aıaz kútiledi.
Shyǵys óńirlerde túnde aýa temperatýrasy 5–13° aıazǵa deıin joǵarylap, kúndiz 5–10° aıazǵa deıin tómendeıdi.
