23 qańtarda Ulttyq bank 2026 jylǵy alǵashqy sheshimin jarıalaıdy jáne naryqta bazalyq mólsherleme 18% deńgeıinde saqtalady degen boljam basym, dep habarlaıdy Dalanews.kz.
Sarapshylardyń aıtýynsha, retteýshi organnyń mundaı ustanymyna ınflásıanyń áli de joǵary bolýy áser etip otyr. Byltyr baǵa ósimi 12 paıyzdan asty, bul belgilengen mejeden eki eseden kóp. Mundaı jaǵdaıda aqsha saıasatyn jumsartý táýekeldi qadam sanalady.
Aldaǵy aılarda ınflásıalyq qysym kúsheıýi múmkin. Naýryzdan keıin komýnaldyq tarıfterdiń qaıta ósýi kútiledi. Sonymen qatar janarmaı baǵasynyń birtindep qymbattaýy yqtımal. Bul halyqtyń baǵaǵa qatysty synyn arttyryp, naryqtaǵy turaqtylyqqa áser etedi.
Ulttyq bank basshylyǵy mólsherlemeni tómendetý tek ınflásıa báseńdep, táýekelder azaıǵan kezde ǵana múmkin bolatynyn buǵan deıin de málimdegen. Sondyqtan aqsha saıasatyn jumsartý máselesi kem degende jyldyń ekinshi jartysyna deıin keıinge qalýy yqtımal.
Sarapshylardyń aıtýynsha, bazalyq mólsherlemeni tómendetý úshin birneshe shart oryndalýy kerek:
1.ınflásıa men baǵa kútýi tómendeýi;
2.tutynýshylyq nesıeleý baıaýlaýy;
3.tarıfterdi ósirý prosesi baqylaýda ótýi;
4.makroekonomıkany turaqtandyrý baǵdarlamasy naqty iske qosylýy.
Osy jaǵdaılardy eskersek, Ulttyq bank aldaǵy otyrysta bazalyq mólsherlemeni 18% deńgeıinde qaldyrýy yqtımal.
