Aqtaýda qaýipsizdik talaptaryna saı kelmeıtin dızel otyny tárkilendi. Bul týraly Saýda jáne ıntegrasıa mınıstrliginiń baspasóz qyzmeti málimdedi, dep habarlaıdy Dalanews.kz.

Inspektorlar baqylaý satyp alýlar barysynda DT-L-K4 markaly dızel otynynyńsatylyp jatqanyn anyqtaǵan. Tekserý nátıjesinde ónimniń Keden odaǵynyń tehnıkalyq reglamenti talaptaryna sáıkes kelmeıtini belgili boldy.

Mınıstrliktiń málimetinshe, tekserilgen otyndaǵy kúkirttiń massalyq úlesi 115 mg/kg bolǵan. Al belgilengen norma 50 mg/kg-nan aspaýy tıis.

Anyqtalǵan zańbuzýshylyqqa baılanysty ýákiletti organ sotqa talap aryz túsirip, ol tolyq kólemde qanaǵattandyryldy. Nátıjesinde ónim ıesi tárkilengen dızel otynyna bılik etý quqyǵynan aıyryldy. Sondaı-aq ol otyndy óz qarajaty esebinen joıýǵa, kádege jaratýǵa, qaıta óńdeýge nemese el aýmaǵynan tysqary jerge shyǵarýǵa mindetteldi.