Atyraý qalasynda em alý úshin kelgen 59 jastaǵy Talǵat Nazarov úsh kúnnen beri tabylmaı jatyr. Ol aýyldan qalaǵa kelip, aýrýhanaǵa bet alǵanymen, kóp uzamaı baılanysqa shyqpaı qalǵan. Bul týraly jergilikti Instagram paraqsha málimdedi, dep habarlaıdy Dalanews.kz.
Týystarynyń aıtýynsha, er adam qalany jaqsy bilmeıdi jáne epılepsıa dertine shaldyqqan, sondyqtan adasyp ketýi múmkin.
Keshe Jaıyq ózeni aýmaǵynan onyń uıaly telefony men bas kıimi tabylǵan. Alaıda ózinen áli habar joq.
Otbasy izdeý jumystaryna qosymsha kúsh qajet ekenin aıtyp, qandaı da bir aqparat biletin azamattardy polısıaǵa habarlaýǵa shaqyrdy.
