Qazaqstan azamattyǵyn alýǵa úmitkerler úshin testileýge ótinim qabyldaý 3–10 aqpan aralyǵynda júrgiziledi, dep habarlaıdy Dalanews.kz.
Ótinimdi Ulttyq testileý ortalyǵynyń app.testcenter.kz saıtynda nemese UTO qosymshasy arqyly berýge bolady. Al testileýdiń ózi 11 aqpanda ótedi.
Emtıhan úsh bólimnen turady:
•qazaq tili – 30 suraq, ótý baly – 15;
•Qazaqstan Respýblıkasynyń Konstıtýsıa negizderi – 40 suraq, ótý baly – 20;
•Qazaqstan tarıhy – 30 suraq, ótý baly – 15.
Jalpy eń joǵary bal – 100, al eń tómengi ótý shegi – 50 bal.
Testileýge beriletin ýaqyt – 2 saǵat 10 mınýt. Múmkindigi shekteýli azamattarǵa qosymsha 30 mınýt qarastyrylǵan.
Testileýge qatysý quny – 14 693 teńge. Daıyndyq úshin aqyly synaq testi app.testcenter.kz saıtyndaǵy «Probnoe testırovanıe» bóliminde qoljetimdi, onyń baǵasy – 3355 teńge.
Tolyq aqparat testcenter.kz saıtynda «Azamattyqqa úmitkerlerge» bóliminde jarıalanǵan.
