Depýtat Marhabat Jaıymbetov Qazaqstanda kontrafakt ónimder satylyp jatqanyn aıtty, dep habarlaıdy Dalanews.kz.
Qazaqstan aýmaǵyna zańsyz ákelingen "Kolgeıt-Palmolıv" (Colgate-Palmolive) markaly kontrafakt tis pastasyn satý derekteri anyqtalǵan. Ónimder syrtqy turpaty jaǵynan túpnusqany qaıtalaǵanymen, qaptamasy men tańbalanýy resmı talaptarǵa sáıkes kelmegen.
Almaty men Shymkent qalalaryndaǵy bazarlarda Bondúel (Bonduelle) markasymen satylǵan konservilengen kókónister arasynda da jalǵan ónimder tirkelgen.
"Qurylys materıaldary, alkogól ónimderi, qurǵaq ashytqylar syndy taýar toptary boıynsha da kontrafakt tirkelip otyr. Bul ónimder qujatsyz, mindetti tańbalaýsyz jáne sanıtarlyq-epıdemıologıalyq qorytyndylarsyz taratylyp, azamattardyń qaýipsizdigine tikeleı qater tóndirip otyr", - dedi depýtat.
