2026 jyldyń qańtarynan bastap Qazaqstan azamattarynyń banktik shottary 20 aılyq eseptik kórsetkishten (AEK) asatyn salyq qaryzy bolǵan jaǵdaıda buǵattala bastaıdy. Bul týraly Memlekettik kirister komıtetiniń ókili Qaısar Aryn málimdedi, dep habarlaıdy Dalanews.kz.
Onyń aıtýynsha, qaryz kólemi kórsetilgen mejeden asqan kezde aldymen salyq tóleýshige eskertý habarlamasy joldanady. Eger bereshek ótelmese, bank shottary, kasa jáne ınkassalyq ókimder boıynsha shyǵys operasıalary ýaqytsha toqtatylady.
Eger salyq qaryzy 45 AEK-ten aspasa, ádette osy sharalarmen shekteledi. Al bereshek 45 AEK-ten joǵary bolǵan jaǵdaıda qatań sharalar qoldanylady.
Bul jaǵdaıda salyq organdary:
-
debıtorlardyń shottaryndaǵy qarajatty óndirip alýǵa,
-
múlikti túgendep, ony satýǵa,
-
al tótenshe jaǵdaıda sot arqyly bankrottyq rásimin bastaýǵa quqyly.
Jańa talaptar salyqtyq tártipti kúsheıtýge jáne bereshek kóleminiń ósýine jol bermeýge baǵyttalǵan.
