7 aqpan kúni Mılan-Kortına Olımpıadasy bastalady. Alǵashqy jarys kúninde alty otandasymyz eki sport túrinen óner kórsetedi, dep habarlaıdy Dalanews.kz.

Shańǵyshylar Nadejda Stepashkına, Dará Rájko, Anna Melnık jáne Ksenıa Shalygına Olımpıadalyq trassaǵa birinshi bolyp shyǵady.

Olar 10 km klasıkalyq stılde jáne 10 km erkin stılde 20 shaqyrymdyq skıatlonda baq synaıdy. Jarys Qazaqstan ýaqyty boıynsha saǵat 17:00-de bastalady.

Nadejda Morozova men Elızaveta Golýbeva 3000 metrlik kónkımen júgirý jarysynda Qazaqstan namysyn qorǵaıdy. Jarys Qazaqstan ýaqyty boıynsha saǵat 20:00-de bastalady.

Eske salaıyq,Italıanyń Mılan jáne Kortına-d’Ampesso qalalarynda XXV qysqy Olımpıada oıyndary resmı túrde bastaldy. Ashylý saltanatynyń negizgi bóligi Mılandaǵy áıgili "San-Sıro" fýtbol stadıonynda ótti. Jarysqa álemniń 93 elinen shamamen 3 myńǵa jýyq sportshy qatysady. Medaldar sporttyń 8 túri boıynsha 16 dısıplınada sarapqa salynyp, jalpy 116 júlde jıyntyǵy oınatylady.

Qazaqstan quramasy 10 dısıplına boıynsha baq synaıtyn 36 sportshydan turady (18 er, 18 áıel). Ulttyq quramanyń qatysýymen ótetin barlyq jarystar Qazaqstan, Qazsport, "Habar" jáne Jibek Joly telearnalarynan tikeleı efırde kórsetiledi.