Pavlodar oblysynyń Irtyshsk aýylynda jeke turǵyn úıde bolǵan órt saldarynan eki bala kóz jumdy, dep habarlaıdy Dalanews.kz.
Tótenshe jaǵdaılar departamentiniń málimetinshe, órt shyqqan úıge qutqarýshylar habar túskennen keıin úsh mınýt ishinde jetken. Sol sátte baspana túgeldeı otqa oranyp, jıhazdar, turmystyq zattar men shatyr janyp jatqan, qoıý tútin úıdi basqan.
Órt sóndirýshiler tórt kámeletke tolmaǵan balany qutqaryp, jedel járdem brıgadasyna tapsyrǵan. Alaıda olardyń ekeýi aýrýhanada qaıtys boldy.
Órt 50 sharshy metr aýmaqta tolyq sóndirildi. Qazirgi tańda órttiń shyǵý sebebi anyqtalyp jatyr.
