«Qazaqmys» korporasıasynyń Basqarma tóraǵasy Rýslan Óskenáli Batys kenishiniń ujymymen kezdesý ótkizdi. Jıynda óndiristi jańǵyrtý, eńbekti qorǵaý tıimdiligin arttyrý jáne qyzmetkerlerge arnalǵan áleýmettik kepildikterdi damytý máseleleri talqylandy, dep habarlaıdy Dalanews.kz.
Jumys baǵdarlamasy aıasynda Basqarma tóraǵasy ınfraqurylymnyń qazirgi jaǵdaıy men ony zamanaýı tehnologıalyq sheshimder arqyly jańartý perspektıvasy týraly baıandamalardy tyńdady. Jańǵyrtý korporasıanyń turaqty damýyn qamtamasyz etý, ónimdilikti arttyrý jáne álemdik naryqta básekelestikti kúsheıtý strategıasynyń ajyramas bóligi ekeni erekshe atap ótildi.
Kezdesýde eńbek qaýipsizdigi máselesine aıryqsha nazar aýdaryldy. Kenish basshylyǵy óndiristik jaraqattanýdy azaıtý jáne eńbek jaǵdaıyn jaqsartý jónindegi korporatıvtik baǵdarlama aıasynda júzege asyrylyp jatqan sharalar týraly baıandady. Sondaı-aq táýekelderdi baqylaý jáne eńbekti qorǵaý salasyndaǵy ozyq tájirıbelerdi engizý tetikteri, onyń ishinde qyzmetkerlerdi oqytý jáne qorǵanys jabdyqtaryn jańartý máseleleri talqylandy.
«Qazaqmys» korporasıasy eńbek ujymy aldyndaǵy mindettemelerin oryndaýdy jáne óndiristi jańǵyrtýǵa, eńbek qaýipsizdiginiń joǵary deńgeıin saqtaýǵa, sondaı-aq óz qyzmetkerleriniń áleýmettik turaqtylyǵyn qamtamasyz etýge ınvestısıa salýdy jalǵastyrýda.
