Almatydaǵy Gusto meıramhanasynda 21 jeltoqsanda bolǵan jaǵdaıǵa baılanysty ishki tekserý aıaqtalyp, meıramhana ákimshisiniń qyzmeti toqtatyldy. Bul týraly mekeme resmı málimdemesinde habarlady, dep habarlaıdy Dalanews.kz.
Meıramhana basshylyǵynyń málimetinshe, tekserý qorytyndysy servıs standarttary men korporatıvtik komýnıkasıa talaptarynyń buzylǵanyn kórsetken. Osyǵan baılanysty basqarýshylyq sheshim qabyldanǵan. Alaıda atalǵan sheshim tek ishki shara retinde qarastyrylyp, oqıǵaǵa qatysqan tulǵalardyń áreketterine quqyqtyq baǵa berýdi kózdemeıdi.
«Oqıǵaǵa baılanysty odan arǵy qaraý zańnamada belgilengen tártippen, taraptardyń ózara qatysýymen júzege asyrylady», – delingen habarlamada.
Shymbulaqta ornalasqan meıramhananyń ákimshisi qazaqsha qyzmet kórsetýden bas tartyp, halyqtyń ashýyna tıdi.
Oqıǵa taý-shańǵy kýrortynda ornalasqan Gusto meıramhanasynda bolǵan. Bul týraly áleýmettik jeli qoldanýshysy paraqshasynda jazǵan.
