Speedtest Global Index qarasha aıyndaǵy ınternet jyldamdyǵyna qatysty álemdik reıtıńti jarıalady. Nátıjege sáıkes, mobıldi ınternet sapasy boıynsha Qazaqstan bir saty tómendep, 46-orynǵa jaıǵasty. Eldegi mobıldi ınternettiń ortasha júkteý jyldamdyǵy 93,07 Mbıt/s deńgeıinde tirkeldi, dep habarlaıdy Dalanews.kz.

Salystyrmaly túrde aıtsaq, Japonıa bul kórsetkish boıynsha 62-orynda tur – 65,14 Mbıt/s.

Mobıldi ınternet jyldamdyǵy eń joǵary elder:

• Birikken Arab Ámirlikteri – 672,68 Mbıt/s

• Katar – 542,56 Mbıt/s

• Kýveıt – 398,66 Mbıt/s

Al eń tómengi kórsetkish Bolıvıada tirkelgen – 14,35 Mbıt/s.

Tirkelgen keńjolaqty ınternet (fixed broadband) jyldamdyǵy reıtıńi boıynsha da Qazaqstannyń pozısıasy álsiredi. Bul sanatta el 91-orynǵa túsip, ortasha jyldamdyq 83,5 Mbıt/s boldy. Al Japonıa 23-orynda ornalasyp, 229,84 Mbıt/s nátıjesin kórsetti.

Qalalar arasyndaǵy mobıldi ınternet jyldamdyǵy reıtıńi:

• Almaty – 63-oryn (127,79 Mbıt/s)

• Astana – 67-oryn (125,58 Mbıt/s)

Salystyrý úshin, Tokıo bul tizimde 90-orynǵa ǵana turaqtaǵan (80,44 Mbıt/s).

Aıta keteıik, 2025 jyldyń ekinshi jartyjyldyǵynyń qorytyndysy boıynsha Qazaqstan mobıldi ınternet sapasy reıtıńinde 45-orynda bolǵan edi.