Astanada Konstıtýsıalyq reforma jónindegi komısıanyń alǵashqy otyrysy ótip jatyr, dep habarlaıdy Dalanews.kz.
Erjan Jıenbaev vıse-prezıdenttiń ókilettigine qatysty konstıtýsıalyq ózgeristerge toqtaldy. Vıse-prezıdentti jalpy depýtattardyń kópshilik daýysymen Prezıdent taǵaıyndaıdy.
Vıse-prezıdentti qyzmetinen Prezıdent bosatady. Vıse-prezıdent:
- Prezıdenttiń tapsyrmasy boıynsha Qazaqstan Respýblıkasynyń halyqaralyq qatynastardaǵy múddelerin bildiredi;
- Quryltaımen, Úkimetpen jáne ózge de memlekettik organdarmen ózara is-qımyl barysynda Prezıdenttiń atynan ókildik etedi.
- Sonymen qatar, vıse-prezıdent Qazaqstan Respýblıkasy Prezıdenti atynan Qazaqstan Respýblıkasynyń jáne shetelderdiń qoǵamdyq-saıası, ǵylymı jáne mádenı-aǵartýshylyq uıymdarymen qarym-qatynas ornatady.
- Vıse-prezıdenttiń ózge de ókiletterin Prezıdent aıqyndaıdy.
"Vıse-prezıdent ınstıtýtynyń engizilýine baılanysty Konstıtýsıadan Memlekettik keńesshi týraly normalar alyp tastalady. Konstıtýsıa deńgeıinde vıse-prezıdentke qoıylatyn talaptardy kózdeý qajet. Vıse-prezıdent ókildi organnyń depýtaty bolmaýǵa, ózge de aqyly laýazymdardy atqarmaýǵa jáne kásipkerlik qyzmetti júzege asyrmaýǵa tıis. Óz ókilettikterin júzege asyrý kezeńinde vıse-prezıdent saıası partıanyń múshesi bolmaýǵa tıis. Mundaı tártip saıası básekelestikti arttyrýǵa jáne barlyq partıanyń damýy úshin teń jaǵdaıdy qamtamasyz etýge baǵyttalǵan ustanymǵa sáıkes keledi", - dedi ol.
