Qazaqstandyq RBK banki 262,6 mlrd teńge (shamamen 615 mln dollar) qarajatty “EBF Investment” JSHS-ten “Skybridge Invest” AQ-qa aýdarǵany úshin 182 574 teńge ákimshilik aıyppul tóledi, dep habarlaıdy Dalanews.kz.
Hronika.kz málimetinshe, tekserý barysynda bank osy operasıalar týraly qarjy monıtorıńi agenttigine habarlama jibermegeni anyqtaldy. Aıta keteıik, “EBF Investment” kompanıasy buryn “Elbasy qory” men “Nursultan Nazarbaev qory” ıeliginde bolǵan.
Buǵan deıin RBK banki basqa tutynýshylary arqyly da transshekaralyq operasıalardy júrgizgen, biraq kólemi "EBF Investment"-tiń qarajatyna qaraǵanda az bolǵan. Mamandardyń aıtýynsha, bank tek formaldy qadaǵalaý erejelerin oryndamaǵany úshin aıyppul tólegen, al qarajat zańsyz jolmen alynbaǵan.
Aıta keteıik, RBK banki buǵan deıin de banktik zańnamany buzý boıynsha birneshe ret ákimshilik jaýapqa tartylǵan.
