3 aqpanda Prezıdent Qasym-Jomart Toqaev Pákistanǵa memlekettik saparmen bardy, dep habarlaıdy Dalanews.kz.
Pákistannyń shekarasyna engennen bastap Áskerı áýe kúshteriniń ushaqtary Qazaqstan Prezıdenti mingen bortpen qaptaldasyp ushty.
Memleket basshysyn Islamabad áýejaıynda prezıdent Asıf Alı Zardarı men premer-mınıstr Shahbaz Sharıf qarsy aldy.
Mártebeli meımannyń kelýine oraı Qurmet qaraýyly sap túzep, zeńbirekten 21 márte oq atyldy. Sondaı-aq, Qazaqstan men Pákistannyń týlaryn ustaǵan balalar Qasym-Jomart Toqaevqa qoshemet kórsetti.
Búgin joǵary deńgeıde kelissózder júrgizilip, eki el arasyndaǵy saıası, saýda-ekonomıkalyq jáne mádenı-gýmanıtarlyq yntymaqtastyqty nyǵaıtý perspektıvasy talqylanady.
