ەلوردادا كولىك جۇرگىزۋشىسىنە قارۋدان وق اتقان كۇدىكتى ۇستالدى. جارالانعان ازاماتتىڭ قۇقىق قورعاۋ ورگاندارىنىڭ قىزمەتكەرى ەكەنى بەلگىلى بولدى، دەپ حابارلايدى Dalanews.kz.
پوليسيا مالىمەتىنشە، كۇدىكتى – 21 جاستاعى قالا تۇرعىنى. ول جۇرگىزۋشىگە اڭشىلىق مىلتىقپەن وق اتىپ، وقيعا ورنىنان بوي تاسالاعان. جەدەل-ىزدەستىرۋ شارالارى بارىسىندا كۇدىكتى قولعا ءتۇسىپ، قارۋ تاركىلەندى. ءقازىر دوسۋدەبتىك تەرگەۋ باستالدى.
جابىرلەنۋشىنىڭ قۇقىق قورعاۋ ورگانىندا قىزمەت ەتەتىنى، الايدا وقيعا كەزىندە ەڭبەك دەمالىسىندا بولعانى انىقتالدى.
«اتالعان قارۋ كۇدىكتىنىڭ اكەسىنە تيەسىلى. ول قارۋدى ساقتاۋ تالاپتارىن بۇزعانى ءۇشىن اكىمشىلىك جاۋاپكەرشىلىككە تارتىلدى»، – دەپ حابارلادى پوليسيا.
الەۋمەتتىك جەلىلەردە تاراعان بەيرەسمي نۇسقادا كۇدىكتى جولعا شىعىپ، قوزعالىپ كەلە جاتقان كولىككە وق اتقانى، ال جۇرگىزۋشى ءوزىن قورعاۋ ماقساتىندا شابۋىل جاساعان ادامدى قاعىپ كەتكەنى ايتىلادى. الايدا بۇل اقپارات رەسمي تۇردە راستالعان جوق.
تەرگەۋ مۇددەسىنە بايلانىستى وزگە دەرەكتەر جاريالانبايدى.
