قازاقستاندىق تانىمال ۆاينەر ءارى اكتەر مەيىرجان تورەبايەۆ بوستاندىققا شىعىپ، وتباسىمەن قاۋىشتى. بۇل تۋرالى اقپارات الەۋمەتتىك جەلىلەردە تارالىپ، كوپشىلىك اراسىندا قىزۋ تالقىلانۋدا، دەپ حابارلايدى Dalanews.kz
بوستاندىققا شىققاننان كەيىن ول ءوزىنىڭ الەۋمەتتىك جەلىدەگى پاراقشاسىندا جاقىندارىمەن قاۋىشقان ساتتەن ۆيدەو جاريالاپ، وعان: «باسقالارعا ماحابباتىڭدى بەرە ءبىلۋ. ەڭ قاراپايىم ساتتەردەن قۋانىش پەن ءلاززات تابۋ» دەگەن جازبا قالدىرعان. جەلى قولدانۋشىلارى بۇل ءساتتى جىلى قابىلداپ، ءتۇرلى پىكىر بىلدىرۋدە.
ەسكە سالا كەتەيىك، 2022 جىلدىڭ 10 اقپانىندا مەيىرجان تورەبايەۆ، مەيىرحان شەرنيازوۆ جانە ازيمجان سايدبايەۆ قارجى پيراميداسىنا قاتىستى ءىس بويىنشا كۇدىككە ىلىنگەن ەدى. تەرگەۋ نۇسقاسىنا سايكەس، ولار Mudarabah Capital قارجى پيراميداسىن جارنامالاپ قانا قويماي، ونىڭ قىزمەتىنەن تابىس تاپقان دەگەن ايىپ تاعىلعان.
الايدا تورەبايەۆ ءوز كەزەگىندە ۆيدەوۇندەۋ جاساپ، ءوزىن دە جابىرلەنۋشى رەتىندە تانىستىرىپ، اتالعان قارجى پيراميداسىنان ەشقانداي پايدا كورمەگەنىن مالىمدەگەن بولاتىن. سونداي-اق ول قارجى نارىعىن رەتتەۋ جانە دامىتۋ اگەنتتىگى بۇل ۇيىم تۋرالى 2020 جىلى-اق ەسكەرتۋ جاساعانىن دا ايتقان.
2022 جىلدىڭ 20 ساۋىرىندە مەيىرجان تورەبايەۆ پەن مەيىرحان شەرنيازوۆ قاماۋعا الىنىپ، ال 2023 جىلدىڭ 23 ماۋسىمىندا سوت ۇكىمىمەن بەس جىلعا باس بوستاندىعىنان ايىرىلعان ەدى.
ايتا كەتەيىك، 2025 جىلدىڭ 3 شىلدەسىندە مەيىرحان شەرنيازوۆتىڭ دا مەرزىمىنەن بۇرىن بوستاندىققا شىققانى حابارلانعان بولاتىن.
قازىرگى ۋاقىتتا مەيىرجان تورەبايەۆتىڭ الداعى جوسپارى بەلگىسىز. دەگەنمەن، ونىڭ شىعارماشىلىق قىزمەتكە قايتا ورالۋى مۇمكىن ەكەنى ايتىلۋدا.
