اتىراۋ قالاسىندا ەم الۋ ءۇشىن كەلگەن 59 جاستاعى تالعات نازاروۆ ءۇش كۇننەن بەرى تابىلماي جاتىر. ول اۋىلدان قالاعا كەلىپ، اۋرۋحاناعا بەت العانىمەن، كوپ ۇزاماي بايلانىسقا شىقپاي قالعان. بۇل تۋرالى جەرگىلىكتى Instagram پاراقشا مالىمدەدى، دەپ حابارلايدى Dalanews.kz.
تۋىستارىنىڭ ايتۋىنشا، ەر ادام قالانى جاقسى بىلمەيدى جانە ەپيلەپسيا دەرتىنە شالدىققان، سوندىقتان اداسىپ كەتۋى مۇمكىن.
كەشە جايىق وزەنى اۋماعىنان ونىڭ ۇيالى تەلەفونى مەن باس كيىمى تابىلعان. الايدا وزىنەن ءالى حابار جوق.
وتباسى ىزدەۋ جۇمىستارىنا قوسىمشا كۇش قاجەت ەكەنىن ايتىپ، قانداي دا ءبىر اقپارات بىلەتىن ازاماتتاردى پوليسياعا حابارلاۋعا شاقىردى.
