كەشە كەشكە قالاداعى جىلۋ قۇبىرىندا اپات بولىپ، ەكى ىقشاماۋداندا جىلىتۋ جۇيەسى تولىق وشكەن، دەپ حابارلايدى Dala News.
وڭىردە داۋىلدى ەسكەرتۋ جاريالانعان. تاڭەرتەڭ اۋا تەمپەراتۋراسى مينۋس 21 گرادۋسقا دەيىن تومەندەدى.
تەمىرتاۋ اكىمى عالىم ءاشىموۆتىڭ ايتۋىنشا، اقاۋ 1970-جىلداردان بەرى جوندەۋ كورمەگەن جىلۋ تراسساسىنىڭ ۋچاسكەسىندە بولعان.
– زاقىم جىلۋ جەلىسىنىڭ ەسكى بولىگىندە تىركەلدى. ءقازىر اپاتتىق بريگادالار مەن ارنايى تەحنيكا جۇمىس ىستەپ جاتىر، – دەدى قالا اكىمى.
اكىمدىكتىڭ مالىمەتىنشە، تۇسكە قاراي اپات سالدارى جويىلعان. الايدا جىلۋدىڭ ۇيلەرگە ناقتى قاشان جەتەتىنى ازىرگە بەلگىسىز.
تۇرعىندار سۋىق پاتەرلەردە قالجىراپ، جاعدايدىڭ قاشان تۇراقتالاتىنىن كۇتۋدە.
