ەلدىڭ تۇكپىر-تۇكپىرىندەگى مامانداندىرىلعان حالىققا قىزمەت كورسەتۋ ورتالىقتارىندا كەزەك كوبەيدى. "ازاماتتارعا ارنالعان ۇكىمەت" مەملەكەتتىك كورپوراسياسى وسى جاعدايعا پىكىر ءبىلدىردى، دەپ حابارلايدى Dalanews.kz.
"مەملەكەتتىك تىركەۋ بەلگىلەرىن ەركىن تاڭداۋعا مۇمكىندىك بەرەتىن نورما ەنگىزىلگەنى تۋرالى اقپارات تارالۋىنا بايلانىستى بۇگىندە ەلىمىزدىڭ كوپتەگەن وڭىرىندە مامانداندىرىلعان حقكو-لاردا قىزمەت الۋشىلار سانى ارتتى"، – دەپ جازىلعان حابارلامادا.
ۆەدومستۆو مالىمەتىنشە، بارلىق مامانداندىرىلعان حقكو شتاتتىق رەجيمدە جۇمىس ىستەپ جاتىر.
"ازاماتتارعا قىزمەت كورسەتۋ قالىپتى تارتىپپەن جۇزەگە اسىرىلىپ جاتىر، اقپاراتتىق جۇيەلەردىڭ جۇمىسىندا تەحنيكالىق اقاۋ تىركەلمەدى"، – دەپ جازىلعان حابارلامادا.
ايتا كەتەيىك، بۇعان دەيىن رەداكسياعا مامانداندىرىلعان حالىققا قىزمەت كورسەتۋ ورتالىقتارىندا تۇسىرىلگەن سۋرەتتەر كەلدى.
