اقتوبە وبلىسىندا ساباق ۇستىندە بوسانعان 14 جاستاعى قىزدىڭ ءىسى بويىنشا سوت ۇكىمى شىقتى، دەپ حابارلايدى Dalanews.kz "جەتىنشى ارناعا" سىلتەپ.
وقۋشى الپىستان اسقان وگەي ناعاشى اتاسىنان جۇكتى بولىپ قالعان. كەيىنىرەك پوليسيا قىلمىستىق ءىس قوزعاپ، كۇدىكتى قاماۋعا الىندى. بالالاردىڭ قۇقىعىن قورعاۋ كوميتەتى دە جاعدايدى باقىلاۋعا الدى.
14 جاستاعى قىزدىڭ اياعى اۋىر ەكەنىن تۋىستارى دا، مەكتەپ مۇعالىمدەرى دە بىلمەگەن. سوت ۇكىمىمەن كۇدىكتى 21 جىلعا باس بوستاندىعىنان ايىرىلدى.
"ق ر كودەكستىڭ 58-بابى 4-بولىگىنىڭ نەگىزىندە قىلمىستىق قۇقىقبۇزۋشىلىقتار جيىنتىعى بويىنشا جازا تاعايىنداۋ ءرولى مەن تۇپكىلىكتى پەداگوگيكالىق لاۋازىمداردى جانە كامەلەتكە تولماعاندارمەن جۇمىس ىستەۋگە بايلانىستى لاۋازىمداردى اتقارۋ قۇقىعىنان ءومىر بويىنا ايىرا وتىرىپ، 21 جىلعا باس بوستاندىعىنان ايىرۋ جازاسى تاعايىندالسىن. جازاسىن قىلمىستىق اتقارۋ جۇيەسىنىڭ ورتاشا قاۋىپسىزدىك مەكەمەسىندە وتەۋ تاعايىندالسىن"، - دەدى مامانداندىرىلعان اۋدانارالىق سوتتىڭ سۋدياسى التىنبەك سابىروۆ.
