الماتىداعى Gusto مەيرامحاناسىندا 21 جەلتوقساندا بولعان جاعدايعا بايلانىستى ىشكى تەكسەرۋ اياقتالىپ، مەيرامحانا اكىمشىسىنىڭ قىزمەتى توقتاتىلدى. بۇل تۋرالى مەكەمە رەسمي مالىمدەمەسىندە حابارلادى، دەپ حابارلايدى Dalanews.kz.
مەيرامحانا باسشىلىعىنىڭ مالىمەتىنشە، تەكسەرۋ قورىتىندىسى سەرۆيس ستاندارتتارى مەن كورپوراتيۆتىك كوممۋنيكاسيا تالاپتارىنىڭ بۇزىلعانىن كورسەتكەن. وسىعان بايلانىستى باسقارۋشىلىق شەشىم قابىلدانعان. الايدا اتالعان شەشىم تەك ىشكى شارا رەتىندە قاراستىرىلىپ، وقيعاعا قاتىسقان تۇلعالاردىڭ ارەكەتتەرىنە قۇقىقتىق باعا بەرۋدى كوزدەمەيدى.
«وقيعاعا بايلانىستى ودان ارعى قاراۋ زاڭنامادا بەلگىلەنگەن تارتىپپەن، تاراپتاردىڭ ءوزارا قاتىسۋىمەن جۇزەگە اسىرىلادى»، – دەلىنگەن حابارلامادا.
شىمبۇلاقتا ورنالاسقان مەيرامحانانىڭ اكىمشىسى قازاقشا قىزمەت كورسەتۋدەن باس تارتىپ، حالىقتىڭ اشۋىنا ءتيدى.
وقيعا تاۋ-شاڭعى كۋرورتىندا ورنالاسقان Gusto مەيرامحاناسىندا بولعان. بۇل تۋرالى الەۋمەتتىك جەلى قولدانۋشىسى پاراقشاسىندا جازعان.
