Speedtest Global Index قاراشا ايىنداعى ينتەرنەت جىلدامدىعىنا قاتىستى الەمدىك رەيتينگتى جاريالادى. ناتيجەگە سايكەس، ءموبيلدى ينتەرنەت ساپاسى بويىنشا قازاقستان ءبىر ساتى تومەندەپ، 46-ورىنعا جايعاستى. ەلدەگى ءموبيلدى ينتەرنەتتىڭ ورتاشا جۇكتەۋ جىلدامدىعى 93،07 مبيت/س دەڭگەيىندە تىركەلدى، دەپ حابارلايدى Dalanews.kz.

سالىستىرمالى تۇردە ايتساق، جاپونيا بۇل كورسەتكىش بويىنشا 62-ورىندا تۇر – 65،14 مبيت/س.

ءموبيلدى ينتەرنەت جىلدامدىعى ەڭ جوعارى ەلدەر:

• بىرىككەن اراب امىرلىكتەرى – 672،68 مبيت/س

• كاتار – 542،56 مبيت/س

• كۋۆەيت – 398،66 مبيت/س

ال ەڭ تومەنگى كورسەتكىش بوليۆيادا تىركەلگەن – 14،35 مبيت/س.

تىركەلگەن كەڭجولاقتى ينتەرنەت (fixed broadband) جىلدامدىعى رەيتينگى بويىنشا دا قازاقستاننىڭ پوزيسياسى السىرەدى. بۇل ساناتتا ەل 91-ورىنعا ءتۇسىپ، ورتاشا جىلدامدىق 83،5 مبيت/س بولدى. ال جاپونيا 23-ورىندا ورنالاسىپ، 229،84 مبيت/س ناتيجەسىن كورسەتتى.

قالالار اراسىنداعى ءموبيلدى ينتەرنەت جىلدامدىعى رەيتينگى:

• الماتى – 63-ورىن (127،79 مبيت/س)

• استانا – 67-ورىن (125،58 مبيت/س)

سالىستىرۋ ءۇشىن، توكيو بۇل تىزىمدە 90-ورىنعا عانا تۇراقتاعان (80،44 مبيت/س).

ايتا كەتەيىك، 2025 جىلدىڭ ەكىنشى جارتىجىلدىعىنىڭ قورىتىندىسى بويىنشا قازاقستان ءموبيلدى ينتەرنەت ساپاسى رەيتينگىندە 45-ورىندا بولعان ەدى.