قازاقستاندا مەملەكەتتىك قارىزدى باسقارۋ جونىندەگى كەڭەس قۇرىلدى، دەپ حابارلايدى Dalanews.kz.
بۇل قارىز الۋ ساياساتى مەن مەملەكەتتىك باعالى قاعازدار نارىعىن دامىتۋ سالاسىنداعى شەشىمدەردى ۇيلەستىرۋگە ارنالعان جاڭا كونسۋلتاتيۆتىك-كەڭەسشى ورگان، دەپ حابارلادى قازاقستان رەسپۋبليكاسىنىڭ ۇلتتىق بانكى.
كەڭەس ماكروەكونوميكالىق جاعداي مەن قارىز تۇراقتىلىعىنا قويىلاتىن تالاپتاردى ەسكەرە وتىرىپ، مەملەكەتتىك قارىزدى باسقارۋ بويىنشا كەلىسىلگەن تاسىلدەردى قالىپتاستىرۋ الاڭى بولماق.
ورگاننىڭ نەگىزگى مىندەتتەرىنىڭ قاتارىندا بيۋدجەت تاپشىلىعىن جابۋ ءۇشىن مەملەكەتتىك قارىز الۋ قۇنىن تومەندەتۋ، مەملەكەتتىك باعالى قاعازداردىڭ ىشكى جانە سىرتقى نارىقتارىن دامىتۋ، سونداي-اق كۆازيمەملەكەتتىك سەكتور مەن كورپوراتيۆتىك ەميتەنتتەر ءۇشىن كىرىستىلىك باعدارلارىن قالىپتاستىرۋ بار. سونىمەن قاتار مەملەكەتتىك باعالى قاعازدار نارىعىنىڭ تەرەڭدىگى مەن وتىمدىلىگىن ارتتىرۋعا ەرەكشە كوڭىل بولىنەدى.
ۇلتتىق بانكتە كەڭەستىڭ قۇرىلۋى فيسكالدىق جانە اقشا-نەسيە ساياساتىن نەعۇرلىم تىعىز ۇيلەستىرۋ باعىتىن كورسەتەتىنىن اتاپ ءوتتى.
