"قازمۇنايگاز" ۇلتتىق كومپانياسى كاسپيي قۇبىر كونسورسيۋمى تەرمينالىنداعى تانكەرگە قاتىستى وقيعاعا پىكىر ءبىلدىردى، دەپ حابارلايدى Dalanews.kz.
كومپانيا مالىمەتىنشە، MATILDA كەمەسىن "قازاقتەڭىزكولىكفلوتى" ۇتكقك" ج ش س (قمگ-نىڭ ەنشىلەس ۇيىمى) جالعا العان.
"كاسپيي قۇبىر كونسورسيۋمىنىڭ تەرمينالىندا تۇرعان تانكەرگە قازاقستان مۇنايىن تيەۋ جۇمىستارى 2026 جىلعى 18 قاڭتارعا جوسپارلانعان. 13 قاڭتاردا تانكەرگە ۇشقىشسىز ۇشاتىن اپپاراتتار شابۋىل جاسادى. شابۋىل سالدارىنان جارىلىس بولدى، ءبىراق ءورت شىقپادى. ەكيپاج اراسىندا زارداپ شەككەندەر جوق"، - دەپ جازىلعان حابارلامادا.
الدىن الا باعالاۋ بويىنشا تانكەر تەڭىزدە جۇزۋگە جارامدى، ءبىرىنشى تەكسەرۋ كەزىندە كەمە قۇرىلىمىنىڭ ايتارلىقتاي زاقىمدانۋ بەلگىلەرى انىقتالماعان. زالال كولەمىن باعالاۋ جۇمىستارى ءجۇرىپ جاتىر.
