ءماجىلىس دەپۋتاتى ەرمۇرات ءباپي كونستيتۋسيالىق رەفورما اياسىندا قوعامدى الاڭداڭداتقان ءتىل ماسەلەسىنە قاتىستى پىكىر ءبىلدىردى، دەپ حابارلايدى Dalanews.kz.
"جالپىحالىقتىق تالقىلاۋعا ۇسىنىلعان جاڭا كونستيتۋسيا جوباسىنىڭ جالپى ساياسي سيپاتىن سالاۋاتتى سارالاي بىلگەن ادام ونىڭ مازمۇنى مەن ماقساتى مەملەكەتتىلىكتى، قاۋىپسىزدىگىمىز بەن تاۋەلسىزدىكتىڭ تۇراقتىلىعىن كۇيتتەيتىن استارلى يشارانى تۇسىنسە كەرەك-تى. ۇلەس سالماعى 70 پايىزدان اسقان حالىق ءوزىنىڭ ءتىلىن وزگەگە وكتەمدىكپەن ەمەس، سارى مايعا ىستىق قاسىق باتىرعانداي بايىپپەن تاڭا ءبىلۋ ءدال بۇگىن الدەقايدا ۇتىمدى ايلا بولار ەدى. ءتىلدى تەكەتىرەس پەن ەرەگەستىڭ قارۋىنا اينالدىرۋ بىزگە ءابۇيىر اپەرمەيدى. ءوزىنىڭ ءتىلىن وكتەمدىكپەن تىقپالاعان يمانسىز يدەيالار پايدا بولعان زاماندا ەسەرمەن ەگەسۋ ەستىنىڭ ءىسى بولمايدى"، - دەدى دەپۋتات بۇگىن ءماجىلىس وتىرىسىندا.
ارتىنشا ءماجىلىس دالىزىندە بۇل ويىن جالعاپ، دەپۋتات جۋرناليستەرگە مىناداي تۇسىنىك بەردى: "مۇنداي ماسەلەنى بەي-جاي قالدىرا المايمىز. وسى كونستيتۋسيالىق جوبانى تالقىلاۋ بارىسىندا الدەبىر تاقىرىپتاردى ءوزىمىزدىڭ مۇمكىندىگىمىزدەن تىس تالقىلاپ، ءوز قولىمىزبەن ەلدىڭ ىشىندە تولقىن تۋدىرۋدان اباي بولۋىمىز كەرەك".
ەسكە سالايىق، بۇعان دەيىن مەملەكەتتىك كەڭەسشى ەرلان قارين جاڭا كونستيتۋسيا جوباسىندا قازاق تىلىنە ناقتى ءارى ايرىقشا مارتەبە بەرىلگەنىن مالىمدەدى.
