Астанада көлік жүргізу кезінде телефонды қолға ұстап сөйлесу заң бұзушылық болып саналады, деп хабарлайды Dala News.
Қала полициясының басшысы Марат Төлебаевтың айтуынша, жүргізуші телефонды құлағына ұстап сөйлессе де, экранға қараса да – бұл құқықбұзушылық.
Ол тіпті көлік кептелісте тұрса да, смартфонды қолдану жауапкершілікке әкелетінін атап өтті.
Полиция мәліметінше, телефонды тек арнайы бекіткішке орнатылған жағдайда немесе Bluetooth-гарнитура арқылы пайдалануға рұқсат етіледі.
Талапты бұзған жүргізушілерге айыппұл қарастырылған.
