QMA Astana qalasy boıynsha departamenti prokýratýranyń úılestirýimen eki jekemenshik klınıkanyń basshysyna qatysty Áleýmettik medısınalyq saqtandyrý qorynyń qarajatyn jymqyrý faktisi boıynsha sotqa deıingi tergep-tekserý júrgizip jatyr, dep habarlaıdy Dalanews.kz.
2022 jyly Qor men klınıkalar arasynda jalpy somasy 2,4 mlrd teńgeni quraıtyn medısınalyq qyzmetter kórsetý týraly sharttar jasalǵan, onyń ishinde jyljymaly medısınalyq poıyz qyzmetteri de qamtylǵan.
Jobany iske asyrý bastalǵannan keıin klınıkalar basshysy alaıaqtyq shema uıymdastyryp, medısınalyq kómekti is júzinde almaǵan pasıentter týraly aqparattyq júıege kórineý jalǵan málimetter engizgen. Atap aıtqanda, jalǵan dıagnozdar men kórsetilmegen qyzmetter tirkelgen.
Kún saıyn jalǵan túrde tirkeletin pasıentter sany 90-nan 150 adamǵa deıin jetken.
Nátıjesinde klınıkalar naqty kórsetilmegen medısınalyq qyzmetter úshin Qor qarajatynan zańsyz túrde 682 mln teńge alǵan.
2024 jyldyń qańtar aıynda qylmystyq jolmen alynǵan tabystyń bir bóligi — 364 mln teńge — klınıkalar basshysy men onyń jubaıynyń jeke esepshottaryna aýdarylǵan.
Kúdikti qamaýǵa alyndy.
Sot sanksıasymen onyń múlkine: Ispanıadaǵy qala syrtyndaǵy úı, Astana qalasyndaǵy páter, sondaı-aq avtokólikke tyıym salyndy.
Tergep-tekserý jalǵasýda.
Qazaqstan Respýblıkasy QPK 201-babyna sáıkes ózge aqparat jarıa etilmeıdi.
