Atyraýda Naýryz meıramyn toılaý kezinde Isataı–Mahambet alańynda 78 bala ata-anasynan kóz jazyp qalǵan, dep habarlaıdy Dalanews.kz.

Abyroı bolǵanda, olardyń barlyǵy aman-esen tabylyp, otbasylaryna qaıtaryldy. Balalardyń basym bóligi bir saǵattyń ishinde tabylǵan.

Alaıda bir jasóspirimdi izdeýge shamamen úsh saǵat ýaqyt ketken. Taǵy bir jaǵdaıda 7 jastaǵy bala ata-anasynan adasyp, ózi anasynyń jumys ornyna qaraı bet alǵan. Ony beınebaqylaý kameralary arqyly anyqtap, anasyna tabystaǵan.