Reseıdiń Krasnoıarsk qalasyndaǵy №153 mektepte aýyr oqıǵa boldy. Sabaq ótip jatqan kezde 8-synyp oqýshysy kabınetke balǵamen kirip, synyptyń ishine benzın tógip, úsh oqýshyny órtep jibergen, dep habarlaıdy Dalanews.kz.
Aldyn ala málimetterge sáıkes, zardap shekken balalardyń arqasy, beti men aıaqtary 2–3 dárejeli kúıik alǵan. Olardyń shashy men kıimi túgeldeı janyp ketken.
Arına esimdi oqýshy aýrýhanaǵa jetkizildi. Qalǵan eki balaǵa dárigerler oqıǵa ornynda medısınalyq kómek kórsetip jatyr.
Qylmysqa qatysy bar jasóspirim ustaldy. Qazir mektep aýmaǵynda tótenshe jaǵdaı qyzmetteri jumys istep, oqıǵanyń mán-jaıyn anyqtaýda.
