Aqtóbe oblysynda sabaq ústinde bosanǵan 14 jastaǵy qyzdyń isi boıynsha sot úkimi shyqty, dep habarlaıdy Dalanews.kz "Jetinshi arnaǵa" siltep.
Oqýshy alpystan asqan ógeı naǵashy atasynan júkti bolyp qalǵan. Keıinirek polısıa qylmystyq is qozǵap, kúdikti qamaýǵa alyndy. Balalardyń quqyǵyn qorǵaý komıteti de jaǵdaıdy baqylaýǵa aldy.
14 jastaǵy qyzdyń aıaǵy aýyr ekenin týystary da, mektep muǵalimderi de bilmegen. Sot úkimimen kúdikti 21 jylǵa bas bostandyǵynan aıyryldy.
"Qylmystyq kodekstiń 58-baby 4-bóligi negizinde qylmystyq quqyqbuzýshylyqtar jıyntyǵy boıynsha túpkilikti pedagogıkalyq laýazymdardy jáne kámeletke tolmaǵandarmen jumys isteýge baılanysty laýazymdardy atqarý quqyǵynan ómir boıyna aıyra otyryp, 21 jylǵa bas bostandyǵynan aıyrý jazasy taǵaıyndalsyn. Jazasyn qylmystyq atqarý júıesiniń ortasha qaýipsizdik mekemesinde ótesin", - dedi mamandandyrylǵan aýdanaralyq sottyń sýdıasy Altynbek Sabyrov.
