Qazaqstan Respýblıkasy Premer-Mınıstriniń orynbasary Qanat Bozymbaev sý tasqyny kezeńine daıyndyq máseleleri boıynsha keńes ótkizdi. Jıynda ol sý sharýashylyǵy nysandarynyń, joldar men kópirlerdiń, sondaı-aq áreket etý kúshteri men quraldarynyń daıyndyq deńgeıin tekserdi, dep habarlaıdy Dalanews.kz.
Sonymen qatar, vıse-premer «Talsim» júıesiniń boljamdy derekterimen jáne «Tasqyn» júıesindegi sý tasqyny jaǵdaıyn modeldeý nátıjelerimen tanysty.
Keńes barysynda qaýip deńgeıi joǵary aımaqtarǵa jatqyzylǵan óńirlerdiń esepteri de tyńdaldy.
Resmı málimetke sáıkes, óńirlerde sý tasqynynyń aldyn alýǵa baǵyttalǵan jumystardyń edáýir bóligi atqarylǵan. Atap aıtqanda, 831 shaqyrym qorǵanys bógeti men úıindiler salynǵan, 1 myń shaqyrymnan astam drenaj júıesi, kanaldar men aryqtar jóndelip, qaıta salynǵan.
Sondaı-aq avtomobıl jáne temirjol ýchaskelerinde 934 sý ótkizý qurylysy ornatylyp nemese aýystyrylǵan. Shyǵys Qazaqstan jáne Qostanaı oblystarynda kópirlerge kúrdeli jóndeý jumystary júrgizilgen.
Qanat Bozymbaev óńir ákimdikterine sý tasqynyna daıyndyqty 2026 jylǵy 1 naýryzǵa deıin tolyq aıaqtaýdy tapsyrdy.
