Qazaqstanda vıse-prezıdent laýazymy paıda bolady. Bul týraly Ulttyq quryltaı otyrysynda sóz sóılegen Prezıdent Qasym-Jomart Toqaev málimdedi, dep habarlaıdy Dalanews.kz.
"Qazaqstan Respýblıkasynyń vıse-prezıdenti ınstıtýtyn qurý jáne ony Konstıtýsıada tıisti túrde bekitý týraly áńgime bolyp otyr. Vıse-prezıdentti Parlamenttiń kelisimimen qarapaıym kópshilik daýyspen Prezıdent taǵaıyndaıdy. Onyń ókilettigin Memleket basshysynyń ózi aıqyndaıdy", - dedi Prezıdent.
Vıse-prezıdent Prezıdenttiń tapsyrmasy boıynsha:
- halyqaralyq forýmdarda jáne shet memleketterdiń delegasıalarymen kelissózderde Qazaqstan Respýblıkasynyń múddesin tanytady;
- Parlamentte Prezıdenttiń múddesin tanytady;
- otandyq jáne sheteldik qoǵamdyq-saıası, ǵylymı jáne mádenı-aǵartý uıymdarymen ózara is-qımyl jasaıdy;
- Prezıdenttiń ózge de tapsyrmalaryn oryndaıdy.
