Qazaqstannyń 15 oblysynda aýa raıyna baılanysty eskertý jarıalandy, dep habarlaıdy Dalanews.kz.

Qazgıdromet málimetinshe, 4 aqpanda eldiń birqatar óńirinde qar, boran, tuman, kóktaıǵaq jáne qatty jel kútiledi. Keı aımaqtarda qar aralas jaýyn bolyp, jol qozǵalysyna qıyndyq keltirýi múmkin.

Abaı, Shyǵys Qazaqstan, Soltústik Qazaqstan oblystarynda qar jaýyp, boran soǵady. Jeldiń ekpini 15–20 m/s-qa deıin jetedi, tuman kútiledi.

Aqtóbe oblysynda túnde qalyń qar, kúndiz jańbyr men qar aralas jaýyn-shashyn jaýady. Kóktaıǵaq pen tuman bolady.

Atyraý oblysynda qar men jaıaý burqasyn kútilip, jel kúsheıedi. Aýa temperatýrasy tómendep, 5 aqpanǵa qaraǵan túni qatty aıaz bolýy múmkin.

Almaty, Jetisý jáne Jambyl oblystarynyń taýly aımaqtarynda jańbyr men qar jaýyp, tuman túsedi. Joldarda kóktaıǵaq bolady, jel kúsheıedi.

Batys Qazaqstan, Qostanaı jáne Mańǵystaý oblystarynda qar, tuman, kóktaıǵaq pen jaıaý burqasyn kútiledi. Jeldiń ekpini keı jerlerde 20 m/s-qa jetedi.

Qaraǵandy, Pavlodar, Qyzylorda jáne Ulytaý oblystarynda negizinen tuman baıqalady. Keı óńirlerde jel kúsheıedi.

Túrkistan oblysynda tuman túsip, taýly asýlarda jeldiń ekpini 15–20 m/s-qa deıin jetýi múmkin.

Qazgıdromet turǵyndardy aýa raıynyń qolaısyzdyǵyna baılanysty saq bolýǵa shaqyrady.