Reseı aýmaǵyndaǵy metalýrgıalyq kásiporynda Qazaqstannyń eki azamatynyń máıiti tabyldy, dep habarlaıdy Dalanews.kz.
Qaıǵyly oqıǵa "Severstal" kompanıasynyń negizgi aktıvi sanalatyn Cherepoves metalýrgıalyq kombınatynyń óndiristik alańynda bolǵan.
Kompanıa taratqan aqparatqa súıensek, 14 qańtarda kombınat aýmaǵynan merdiger uıymdarda jumys istegen eki qyzmetker óli tabylǵan.
"Qazir oqıǵanyń sebepteri anyqtalyp, arnaıy qyzmetter jumys istep jatyr. Qaza tapqan qyzmetkerlerdiń jaqyndaryna qaıǵyra kóńil aıtamyz", – delingen "Severstal" habarlamasynda.
Vologda oblysy boıynsha RF Tergeý komıtetiniń málimetinshe, oqıǵa ornynda jedel tergeý toby jumys istep jatyr.
