Reseıdiń «12-arnasy» telearnasynyń komentatory Maksım Grechanın efır kezinde qazaqstandyq jas hokeıshilerge qatysty beıádep ári qorlaıtyn sózder aıtyp qoıǵan. Oqıǵa 12 qańtar kúni «Sıbır» – «Astana» machynyń aldynda bolǵan, dep habarlaıdy Dala News.
Áleýmettik jelilerde taraǵan vıdeoda mıkrofon óshirilmegen sátte komentatordyń Qazaqstannan kelgen balalarǵa qatysty dóreki pikir bildirgeni estiledi. Jazba tez arada jelige tarap, qoǵamda úlken rezonans týdyrdy.
Keıin Maksım Grechanın keshirim suraǵanymen, jas sportshylardyń ata-analary resmı shaǵym túsirgen. Aqparatqa sáıkes, ol efırlerden ýaqytsha shettetilgen.
Quqyq qorǵaý salasynyń mamandary bul jaǵdaıdyń quqyqtyq saldary bolýy múmkin ekenin joqqa shyǵarmaıdy. Iýrısterdiń aıtýynsha, balalarǵa qatysty qorlaý faktisi boıynsha qylmystyq jaýapkershilik máselesi de qarastyrylýy yqtımal.
Oqıǵa qazaqstandyq jankúıerler arasynda keń talqylanyp, sporttaǵy ádep pen kásibı jaýapkershilik máselesin qaıta kóterdi.
