Kásipker Ilon Mask baılyǵy 800 mlrd dollardan asqan álemdegi alǵashqy adam atandy, dep habarlaıdy Dalanews.kz.

Mask kapıtalynyń kúrt ósýi onyń ǵaryshtyq SpaceX kompanıasynyń ózine tıesili, jasandy ıntellekt pen áleýmettik jeliler salasynda jumys isteıtin xAI kompanıasyn satyp alýymen baılanysty.

Forbes baǵalaýynsha, nátıjesinde quny 1,25 trln dollar bolatyn birikken kompanıa qurylǵan. Bul mámile Ilon Masktiń jeke baılyǵyn birden 84 mlrd dollarǵa arttyryp, ony 852 mlrd dollar deńgeıine jetkizgen.

Basylym bul kórsetkishtiń álemdik mıllıarderler tarıhyndaǵy rekordtyq deńgeı ekenin atap ótedi.

Eske salaıyq, Ilon Maskqa tıesili SpaceX kompanıasy jasandy ıntellekt baǵytynda jumys isteıtin xAI fırmasyn satyp alǵany habarlanǵan edi. Aıta keteıik, eki kompanıanyń da negizin qalaǵan Ilon Masktyń ózi. 

Kompanıanyń málimdeýinshe, bul birigý ǵarysh pen zamanaýı tehnologıalardy bir júıege toptastyrýǵa múmkindik beredi. Iaǵnı zymyrandar, spýtnıktik baılanys, jasandy ıntellekt ázirlemeleri jáne derekterdi óńdeýge arnalǵan ınfraqurylym bir tizbekke biriktiriledi.