Iran 15 qańtar tańyna deıin óz áýe keńistigin barlyq ushaqtar úshin japty. Tek aldyn ala ruqsat alǵan halyqaralyq reısterge ǵana ushýǵa múmkindik berilip otyr. Buǵan deıin, 14 qańtarda Reuters agenttigi AQSH aldaǵy táýlikte Iranǵa soqqy jasaýy múmkin ekenin habarlaǵan bolatyn, dep habarlaıdy Dalanews.kz.
Osyǵan baılanysty Air Astana birqatar turaqty jáne charterlik reısterdiń baǵyty ózgeretinin málimdedi. Kompanıanyń habarlaýynsha, buǵan Iran áýe keńistiginiń jabylýy sebep bolǵan.
«Sharm-el-SHeıh, Dýbaı, Doha jáne Medına baǵyttaryndaǵy reıster Iran áýe keńistigin aınalyp ushady. Air Astana jaǵdaıdy jiti baqylap otyr», – dep habarlady áýe tasymaldaýshy.
Sonymen qatar, kompanıa jolaýshylardan reısterdiń mártebesin aldyn ala tekserip otyrýdy suraıdy, óıtkeni ushý jáne qoný ýaqyttarynda ózgerister bolýy múmkin.
Buǵan deıin Iran bıligi el ústindegi áýe keńistigin jabý merzimin Astana ýaqytymen tańǵy 8:30-ǵa deıin uzartqan. Bul sheshim Iranǵa ushatyn nemese Irannan ushatyn, arnaıy ruqsaty bar halyqaralyq reısterden ózge barlyq ushýlarǵa qatysty. BAQ málimetinshe, mundaı shekteý el ishindegi narazylyq aksıalary aıasynda engizilgen.
