ەنەرگەتيكا مينيسترلىگىنىڭ مالىمەتىنشە، 2027 جىلدىڭ ءبىرىنشى توقسانىنىڭ سوڭىنا قاراي قازاقستان ەكونوميكاسىنىڭ ەلەكتر ەنەرگياسىنا دەگەن ىشكى قاجەتتىلىگى تولىق قامتاماسىز ەتىلەدى. ال 2029 جىلعا قاراي ەلدە تۇراقتى پروفيسيت قالىپتاسىپ، ەلەكتر قۋاتىن ەكسپورتتاۋ مۇمكىندىگى پايدا بولۋى مۇمكىن، دەپ حابارلايدى Dalanews.kz.
ءقازىر قازاقستاننىڭ ەنەرگوجۇيەسىندە 241 ەلەكتر ءوندىرۋ كوزى بار. ونىڭ 162ء-سى جاڭارتىلاتىن ەنەرگيا كوزدەرىنە جاتادى. جالپى ورناتىلعان قۋات كولەمى 26،7 گۆت-قا جەتكەن.
الداعى جىلدارى ەنەرگەتيكا سالاسىندا اۋقىمدى جوبالار ىسكە اسىرىلادى. جوسپارعا سايكەس، قوسىمشا 26 گۆت-تان استام جاڭا قۋات ىسكە قوسىلادى. بۇل قاتارعا قولدانىستاعى ستانسيالاردى جاڭعىرتۋ، ءداستۇرلى گەنەراسيا نىساندارىن سالۋ، جاڭارتىلاتىن ەنەرگيا جوبالارى جانە اتوم ەلەكتر ستانسياسىنىڭ قۇرىلىسى كىرەدى.
