قازاقستان ازاماتتىعىن الۋعا ۇمىتكەرلەر ءۇشىن تەستىلەۋگە ءوتىنىم قابىلداۋ 3–10 اقپان ارالىعىندا جۇرگىزىلەدى، دەپ حابارلايدى Dalanews.kz.
ءوتىنىمدى ۇلتتىق تەستىلەۋ ورتالىعىنىڭ app.testcenter.kz سايتىندا نەمەسە UTO قوسىمشاسى ارقىلى بەرۋگە بولادى. ال تەستىلەۋدىڭ ءوزى 11 اقپاندا وتەدى.
ەمتيحان ءۇش بولىمنەن تۇرادى:
•قازاق ءتىلى – 30 سۇراق، ءوتۋ بالى – 15؛
•قازاقستان رەسپۋبليكاسىنىڭ كونستيتۋسيا نەگىزدەرى – 40 سۇراق، ءوتۋ بالى – 20؛
•قازاقستان تاريحى – 30 سۇراق، ءوتۋ بالى – 15.
جالپى ەڭ جوعارى بالل – 100، ال ەڭ تومەنگى ءوتۋ شەگى – 50 بالل.
تەستىلەۋگە بەرىلەتىن ۋاقىت – 2 ساعات 10 مينۋت. مۇمكىندىگى شەكتەۋلى ازاماتتارعا قوسىمشا 30 مينۋت قاراستىرىلعان.
تەستىلەۋگە قاتىسۋ قۇنى – 14 693 تەڭگە. دايىندىق ءۇشىن اقىلى سىناق تەستى app.testcenter.kz سايتىنداعى «پروبنوە تەستيروۆانيە» بولىمىندە قولجەتىمدى، ونىڭ باعاسى – 3355 تەڭگە.
تولىق اقپارات testcenter.kz سايتىندا «ازاماتتىققا ۇمىتكەرلەرگە» بولىمىندە جاريالانعان.
