رەسەيدىڭ «12-ارناسى» تەلەارناسىنىڭ كوممەنتاتورى ماكسيم گرەچانين ەفير كەزىندە قازاقستاندىق جاس حوككەيشىلەرگە قاتىستى بەيادەپ ءارى قورلايتىن سوزدەر ايتىپ قويعان. وقيعا 12 قاڭتار كۇنى «سيبير» – «استانا» ماچىنىڭ الدىندا بولعان، دەپ حابارلايدى Dala News.
الەۋمەتتىك جەلىلەردە تاراعان ۆيدەودا ميكروفون وشىرىلمەگەن ساتتە كوممەنتاتوردىڭ قازاقستاننان كەلگەن بالالارعا قاتىستى دورەكى پىكىر بىلدىرگەنى ەستىلەدى. جازبا تەز ارادا جەلىگە تاراپ، قوعامدا ۇلكەن رەزونانس تۋدىردى.
كەيىن ماكسيم گرەچانين كەشىرىم سۇراعانىمەن، جاس سپورتشىلاردىڭ اتا-انالارى رەسمي شاعىم تۇسىرگەن. اقپاراتقا سايكەس، ول ەفيرلەردەن ۋاقىتشا شەتتەتىلگەن.
قۇقىق قورعاۋ سالاسىنىڭ ماماندارى بۇل جاعدايدىڭ قۇقىقتىق سالدارى بولۋى مۇمكىن ەكەنىن جوققا شىعارمايدى. يۋريستەردىڭ ايتۋىنشا، بالالارعا قاتىستى قورلاۋ فاكتىسى بويىنشا قىلمىستىق جاۋاپكەرشىلىك ماسەلەسى دە قاراستىرىلۋى ىقتيمال.
وقيعا قازاقستاندىق جانكۇيەرلەر اراسىندا كەڭ تالقىلانىپ، سپورتتاعى ادەپ پەن كاسىبي جاۋاپكەرشىلىك ماسەلەسىن قايتا كوتەردى.
